Enski boltinn

Fimm­tíu milljóna punda til­boði Arsenal í Ben White tekið

Anton Ingi Leifsson skrifar
White er hér lengst til vinstri í mynd.
White er hér lengst til vinstri í mynd. Getty/Michael Regan

Arsenal virðist vera ganga frá kaupum á varnarmanni Brighton, Ben White, en enskir fjölmiðlar greindu frá í gærkvöldi.

Sky Sports greinir frá því að Arsenal muni borga fimmtíu milljónr punda fyrir varnarmanninn sem var hluti af enska landsliðinu í sumar.

Brighton hafði áður hafnað tilboðum upp á 40 og 47 milljónir punda en hafi tekið tilboði Lundúnarliðsins er það hljóðaði upp á 50 milljónir punda.

White er enn í sumarfríi en hann snýr aftur 26. júlí. Þá mun hann væntanlega gangast undir læknisskoðun hjá Arsenal en þó á eftir að klára síðustu pappírsmálin í samningunum á milli félaganna.

Hinn 23 ára White er miðvörður sem hefur verið í herbúðum Brighton frá því hann var sautján ára gamall. Hann hefur leikið 36 leiki í ensku úrvalsdeildinni og tvo landsleiki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.