Körfubolti

Martin segist ekki vera á förum frá Valencia

Runólfur Trausti Þórhallsson skrifar
Martin Hermannsson verður áfram hjá Valencia.
Martin Hermannsson verður áfram hjá Valencia. Mike Kireev/Getty Images

Íslenski landsliðsmaðurinn Martin Hermannsson segir ekkert til í þeim orðrómum að hann sé á förum frá spænska körfuknattleiksfélaginu Valencia.

Þetta staðfesti Martin í stuttu spjalli við Karfan.is en orðrómar hafa verið á kreiki um að landsliðsmaðurinn gæti verið á förum frá spænska liðinu.

Samningur Martins við Valencia er tryggður út næsta tímabil en eftir það gæti hann samið við annað félag. Hefur hann verið orðaður við gríska félagið Panathinaikos sem og önnur lið sem eru í EuroLeague.

Martin tók fyrir þetta allt og stefnir á að vera áfram í Valencia en hann samdi við liðið síðasta sumar. Hann spilaði 17 mínútur að meðaltali í leik í vetur, skoraði 7 stig, gaf 3 stoðsendingar og tók 2 fráköst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.