Viðskipti innlent

Síminn tryggði sér enska boltann til ársins 2025

Kolbeinn Tumi Daðason skrifar
Orri Hauksson, forstjóri Símans, þegar félagið kynnti áform sín um umfjöllun um ensku úrvalsdeildina vorið 2019. Þá hafði fjarskiptafyrirtækið tryggt sér réttinn til 2022.
Orri Hauksson, forstjóri Símans, þegar félagið kynnti áform sín um umfjöllun um ensku úrvalsdeildina vorið 2019. Þá hafði fjarskiptafyrirtækið tryggt sér réttinn til 2022. Vísir/Vilhelm

Síminn hefur tryggt sér sjónvarpsréttinn að ensku úrvalsdeildinni í knattspyrnu til ársins 2025. Síminn hafði betur í baráttu við Sýn og Viaplay sem sömuleiðis buðu í sjónvarpsréttinn.

Fótbolti.net greindi fyrst frá en samkvæmt heimildum fréttastofu var baráttan um réttinn hörð sem endurspeglast í því að útboðið fór í þrjár umferðir. Útboðsferlið er með þeim hætti að ef lítill munur er á tilboðum er farið í aðra umferð. 

Bjóðendur vita þó ekki hvort þeirra boð er hærra en lægri en annarra. Aftur er boðið í réttinn. Í ár hefur verið nægjanlega mjótt á munum til að farið var í þriðju umferð. Þar hefur Síminn boðið hæst og tryggt sér réttinn. 

Fram kom í umfjöllun Markaðarins fyrir tæpum þremur árum að tilboð Sýnar í réttinn að ensku úrvalsdeildinni hefði numið um 1100 milljónum króna. Ljóst er að Síminn greiddi hærri upphæð þá til að tryggja sér réttinn. Nú tæpum þremur árum síðar er fullvíst að töluvert hærri upphæð hefur þurft að reiða fram til að tryggja sér réttinn. 

Tómas Þór Þórðarson er ritstjóri enska boltans. Eiður Smári Guðjohnsen, Margrét Lára Viðarsdóttir og Bjarni Þór Viðarsson hafa verið í aðalhlutverkum sem sérfræðingar í umfjöllun um deildina.

Vísir er í eigu Sýnar hf.

Bíó og sjónvarp Enski boltinn Fjölmiðlar

Tengdar fréttir

1.100 milljónir dugðu ekki fyrir enska boltann

Tilboð Sýnar í sýningarrétt í enska boltanum næstu þrjú árin nam nærri átta milljónum evra, jafnvirði 1.100 milljóna króna, samkvæmt heimildum Markaðarins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið