Viðskipti innlent

Húrraveldið stækkar: Opna gluggalausan næturklúbb sem á að breyta leiknum

Snorri Másson skrifar
Sindri Snær Jensson og Jón Davíð Davíðsson stofnuðu Húrra Reykjavík fyrst árið 2014. Nú er það Auto, nýjasti næturklúbbur landsins. Verið er að umturna kjallaranum á Hard Rock undir starfsemina.
Sindri Snær Jensson og Jón Davíð Davíðsson stofnuðu Húrra Reykjavík fyrst árið 2014. Nú er það Auto, nýjasti næturklúbbur landsins. Verið er að umturna kjallaranum á Hard Rock undir starfsemina. Baldur Kristjánsson

„Það sem við erum að reyna að búa til er tímalaust rými. Þú ert í gluggalausum kjallara, það er bara óendanleiki, þú veist ekkert hvað klukkan er, það eru bara ljós og speglar og reykur og stemning. Þú bara gleymir þér og veist ekkert hvað er í gangi, enda skiptir það engu máli.“

Nýr skemmtistaður er að bætast í fámennan flokk staða í miðbæ Reykjavíkur með leyfi til hálffimm um helgar. Það er næturklúbburinn Auto, sem opnar næstu mánaðamót í kjallara Hard Rock við Lækjargötu.

Reksturinn ábyrgjast alfarið aðrir aðilar en Hard Rock. Það eru Sindri Snær Jensson og Jón Davíð Davíðsson sem eru að stofna Auto. Þar með bætist næturklúbbur inn í það sem er óneitanlega orðið að hóflegu, viðskiptalegu stórveldi þeirra í Reykjavík.

Þetta eru ekki sömu ungu menn og mættu í viðtöl vegna Húrra Reykjavík árið 2014 - og ekki heldur vegna Flatey Pizza (þeir staðir eru orðnir þrír) og ekki heldur vegna Yuzu Burger (þeir eru orðnir tveir).

Eftir lærdómsríkan heimsfaraldur segjast þeir vera orðnir sterkari rekstrarmenn og sækja nú inn á nýtt svið. „Við náðum að skilgreina rekstrana okkar betur og hvað það er sem þeir nákvæmlega gera. Og þá líka skera aðeins af köntunum,“ segir Sindri.

Færa menn til innan samsteypunnar

Tilvitnunin hér efst er í Sindra, sem lýsir því að félagarnir hafi árum saman stefnt á að stofna svona stað. Nú er loks rétta tækifærið: „Við teljum þetta vera frábæran tímapunkt þegar við erum að fara í viðspyrnuna eftir Covid-19.“

Fjárfestingin hleypur á tugum milljóna króna en Jón Davíð segir að ráðdeild þeirra félaga í gegnum faraldurinn geri þeim kleift að taka þessa áhættu.

Sindri Jensson og Ólafur Alexander Ólafsson, verðandi rekstrarstjóri Auto.Instagram

Til marks um stórveldistilburði félaganna er þess að geta að fyrsti starfsmaður þeirra í Húrra Reykjavík á sínum tíma, Ólafur Alexander Ólafsson, verður rekstrarstjóri og meðeigandi á Auto. Þeir eru farnir að færa menn til. 

„Það er eitt það skemmtilegasta við þetta, að hann sé með okkur,“ segir Sindri.

Alvöru næturklúbbur

Auto verður alvöru næturklúbbur með rúmgóðu dansgólfi en einnig lokuðum flöskuborðshólfum. Tónlistin verður hip hop, R&B og vinsæl popptónlist, sem óneitanlega svipar til þess sem þegar ræður ríkjum á til dæmis Prikinu og áður B5.

Nú þegar Bankastræti Club hefur tekið yfir það rými má sjá fyrir sér að ákveðin glufa sé á markaðnum - í öllu falli þar til b5 opnar aftur á gamla Hverfisbarnum.

Það er ljóst að samkeppnin er hörð um viðskiptavini, en öll dýrin í skóginum eru vinir, segir Jón Davíð. „Það er nóg af fólki sem vill hafa gaman og við bjóðum þá bara upp á aðeins öðruvísi upplifun,“ segir hann.

Sindri: „Við erum með stærri stað og hentugri. Upplifunin útlitslega er eitthvað sem fólk hefur ekki séð, með 800 metra af pixelborðum, skjái og annað. Þannig að ég tel að upplifunin af rýminu og öllu konseptinu geti orðið töluvert meiri en við þekkjum hérlendis.“

Kjallarinn á Hard Rock eins og hann var, en ekki eins og hann verður. Rýmið er um 400 fermetrar.Hard Rock Café

Framkvæmdir eru í fullum gangi og áður en fólk veit af getur það mætt á Auto í gegnum sérinngang við Jómfrúna. Þaðan er haldið niður í myrkrið.


Tengdar fréttir

Húrra Reykjavík hagnast um 20 milljónir

Rekstrarfélag fataverslana Húrra Reykjavík hagnaðist um liðlega 20 milljónir króna í fyrra borið saman við 37 milljóna króna hagnað árið áður.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.