Svona var blaðamannafundurinn um afléttingu sóttvarnaaðgerða

Vésteinn Örn Pétursson og Hólmfríður Gísladóttir skrifa 25. júní 2021 09:06

Ríkisstjórnin hefur boðað til blaðamannafundar klukkan ellefu í dag um afléttingu sóttvarna og aðgerða á landamærunum.

Þetta kemur fram í tilkynningu frá ríkisstjórninni. Fundurinn fer fram í Safnahúsinu og verður í beinni útsendingu og textalýsingu hér á Vísi og á Stöð 2 Vísi.

Samkvæmt afléttingaráætlun stjórnvalda stendur til að aflétta öllum takmörkunum innanlands nú í síðari hluta júní, eða þegar 75 prósent bólusetningarbærra hér á landi hafa fengið minnst einn skammt af bóluefni við kórónuveirunni.

Samkvæmt upplýsingum af bólusetningarvef stjórnvalda er það hlutfall nú 87,4 prósent. Þó hefur ekki verið gefið út að tilkynnt verði um afléttingu allra takmarkana innanlands.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.