Erlent

Segja ekkert til í því að Rússar hafi skotið að HMS Defender

Hólmfríður Gísladóttir skrifar
HMS Defender við strendur Skotlands árið 2019.
HMS Defender við strendur Skotlands árið 2019. MOD/CROWN

Bresk stjórnvöld segja ekkert hæft í fregnum þess efnis að Rússar hafi skotið viðvörunarskotum í átt að breska herskipinu HMS Defender á hafsvæðinu suður af Krímskaga.

Rússneskir miðlar höfðu eftir heimildarmönnum innan rússneska varnarmálaráðuneytisins að Defender hefði siglt inn á yfirráðasvæði Rússa, sem hefðu svarað með því að skjóta viðvörunarskotum að herskipinu.

Ben Wallace, varnarmálaráðherra Breta, sagði hins vegar í tilkynningu að Defender hefði verið við reglubundið eftirlit og innan landhelgi Úkraínu. Rússnesk fley hefðu fylgt herskipinu eftir og skipstjórnendum gert viðvart um heræfingar á svæðinu.

Engum skotum hefði verið beint að Defender og varnamálaráðuneytið kannaðist ekki við að sprengjum hefði verið varpað í veg fyrir skipið. Þetta rímar ekki við frásögn rússneskra yfirvalda, sem segja breska skipið hafa breytt um stefnu í kjölfar aðgerða af þeirra hálfu.

Varnarmálafulltrúi Breta í Rússlandi hefur verið boðaður á fund í rússneska varnarmálaráðuneytinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.