Viðskipti innlent

Tímamót í Kauphöllinni þegar Íslandsbanki var skráður

Snorri Másson og Nadine Guðrún Yaghi skrifa
Magnús Harðarson forstjóri Kauphallarinnar og Birna Einarsdóttir bankastjóri við skráningu Íslandsbanka í Nasdaq Iceland í dag.
Magnús Harðarson forstjóri Kauphallarinnar og Birna Einarsdóttir bankastjóri við skráningu Íslandsbanka í Nasdaq Iceland í dag. Vísir/Arnar

Bjöllunni var hringt við mikinn fögnuð í Kauphöll Íslands í morgun þegar Íslandsbanki hf. var skráður á aðalmarkað Nasdaq Iceland. Hlutir upp á 35% í félaginu eru nú skráðir og geta þar með gengið kaupum og sölum.

Hlutir í bankanum hafa rokið upp um 20% eftir að skráningin átti sér stað. Söluvirðið í útboðinu voru 79 krónur en gengi bréfanna er nú um 95 krónur.

Íslendingar og erlendir aðilar keyptu hluti í nýafstöðnu útboði fyrir 55 milljarða króna, en umframeftirspurn var veruleg, eða upp á tæpa 500 milljarða. Íslandsbanki er nú fjölmennasta hlutafélag á íslenskum hlutabréfamarkaði.

Þeir sem keyptu hlut á minna en milljón fengu hann óskertan - stærri fjárfestar báru í mörgum tilvikum skarðan hlut frá borði.

Birna Einarsdóttir bankastjóri Íslandsbanka, sem hringdi bjöllunni við hlið Magnúsar Harðarsonar forstjóra Kauphallarinnar, er hér með fyrsta konan í nokkurn tíma til að stýra félagi í íslensku Kauphöllinni.

Undanfarin fimm ár hefur engin kona verið forstjóri félags í Kauphöllinni. Sigrún Ragna Ólafsdóttir lét af störfum sem forstjóri VÍS árið 2016.

Söluferli Íslandsbanka er rétt að hefjast, en enn er 65% hlutur í bankanum í eigu íslenska ríkisins. Bjarni Benediktsson fjármálaráðherra hefur lýst yfir ánægju með vel heppnað útboð og vill selja frekari hlut ríkisins í bankanum í framhaldinu.

Eins og stendur fara innlendir fjárfestar með um 24% og erlendir fjárfestar með um 11% af heildarhlutafé bankans.  Heildarmarkaðsvirði bankans nam um 158 milljörðum miðað við útboðsverð en virðist nú standa í um 190 milljörðum ef tekið er mið af breyttu virði bréfanna.

Skráningu fylgja breytingar

Birna Einarsdóttir segist aldeilis ánægð í samtali við fréttastofu.

„Ég er búin að eiga mér þennan draum að skrá Íslandsbanka á markað þannig að ég er svo sannarlega stolt og lukkuleg í dag.“

Birna Einarsdóttir bankastjóri.Vísir/Arnar

Birna segir að bankinn hafi í gegnum tíðina lagt áherslu á jafnréttismál og hún vonar að kvenkyns forstjórum fjölgi í Kauphöllinni. Það sé í sjálfu sér skrýtið að engin kona sé þegar forstjóri skráðs félags.

„Í sjálfu sér má segja að það sé alveg ótrúlegt, en það endurspeglar í sjálfu sér atvinnulífið eins og það er í dag. En þetta er að breytast og allt að færast í betra horf vonandi.“

Mikill áhugi fjárfesta kom Birnu á óvart og hún segir skráninguna mikilvægt skref fyrir bankann. 

„Að sjálfsögðu fylgja svona skráningu einhverjar breytingar. Við erum að fá til okkar 24.000 nýja hluthafa, stóra og smá, innlenda og erlenda, sem við hlökkum til að starfa með.

Við erum með mjög skýra stefnu um það hvert við erum að fara en að sjálfsögðu þegar nýir aðilar koma inn geta áherslur breyst og við bara erum spennt að vinna með þeim.“


Tengdar fréttir

Bjarni ánægður með fjölmennasta hluthafahóp landsins

Hluthafar Íslandsbanka verða um tuttugu og fjögur þúsund eftir hlutafjárútboð bankans og fleiri en í nokkru öðru skráðu fyrirtæki. Umfram eftirspurn eftir hlutabréfum var margföld og fjármálaráðherra segir stóran eigendahóp hafa mikla þýðingu fyrir samfélagslega sátt söluna.

Stjórnarkonur ósáttar: Karlaklíkur útiloka konur í forstjórastólinn

Stjórnarkonur í skráðum félögum á Íslandi telja ráðningaferli í forstjórastól oft útilokandi fyrir konur. Þær kalla stjórnir í heild sinni til ábyrgðar. Þá telja margar ráðningaferlin oft meingölluð. Það eigi einnig við um ráðningar þar sem leitað er til fagaðila. Þetta og fleira kemur fram í niðurstöðum nýrrar rannsóknar sem birtar eru í dag og meira en helmingur stjórnarkvenna í skráðum félögum á Íslandi tók þátt í.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,32
48
17.752
ORIGO
0,62
1
292
ISB
0,46
58
89.617
SIMINN
0,3
13
139.484
ICESEA
0,3
2
725

Mesta lækkun dagsins


Félag
Br.%
Fjöldi
Velta*
ARION
-0,46
24
170.268
SVN
-0,3
5
1.253
SYN
-0,25
1
598
REGINN
-0,19
1
104
FESTI
-0,12
2
20.476
Velkomin á Vísi. Þessi vefur notar vafrakökur. Sjá nánar.