Handbolti

Gæti orðið marka­kóngur þrátt fyrir að missa af úr­slita­ein­víginu

Óskar Ófeigur Jónsson skrifar
Hákon Daði Styrmisson var með yfir níu mörk að meðaltali í úrslitakeppnini í ár.
Hákon Daði Styrmisson var með yfir níu mörk að meðaltali í úrslitakeppnini í ár. Vísir/Elín Björg

Eyjamaðurinn Hákon Daði Styrmisson hefur skorað sitt síðasta mark í úrslitakeppni Olís deildar karla í handbolta en hann gæti engu að síður orðið markakóngur keppninnar.

Hákon Daði skoraði 37 mörk í 4 leikjum í átta liða og undanúrslitum eða 9,3 mörk að meðaltali í leik.

Hákon er með tólf marka forskot á Stjörnumanninn Björgvin Hólmgeirsson sem er líka úr leik. Sömu sögu má segja af KA-manninum Árna Braga Eyjólfsson sem er enn í þriðja sætið með 22 mörk þrátt fyrir að spila bara tvo leiki í átta liða úrslitunum.

Það þarf að fara niður í fjórða og fimmta sæti listans til að finna menn sem munu spila í úrslitaeinvíginu.

Haukamaðurinn Orri Freyr Þorkelsson þarf að skora 18 mörk í þessum tveimur leikjum sem eru eftir til að ná Hákoni Daða og Valsmaðurinn Finnur Ingi Stefánsson er nítján mörkum á eftir Hákoni.

Árni Bragi Eyjólfsson varð markakóngur deildarkeppninnar með 163 mörk en Hákon Daði var þar í öðru sæti fimm mörkum á eftir. Þessir tveir voru í sérflokki en þriðji var Þórsarinn Ihor Kopyshynskyi með 130 mörk.

  • Markahæstu leikmenn í úrslitakeppni Olís deild karla fyrir lokaúrslitin:
  • 1. Hákon Daði Styrmisson, ÍBV 37/19
  • 2. Björgvin Hólmgeirsson, Stjörnunni 25/3
  • 3. Árni Bragi Eyjólfsson, KA 22/3
  • 4. Orri Freyr Þorkelsson, Haukum 19/13
  • 5. Finnur Ingi Stefánsson, Val 18/1
  • 6. Darri Aronsson, Haukum 17
  • 6. Hafþór Már Vignisson Stjörnunni 17/3
  • 6. Tandri Már Konráðsson, Stjörnunni 17
  • 9. Kári Kristján Kristjánsson, ÍBV 16
  • 9. Vignir Stefánsson, Val 16
  • 9. Anton Rúnarsson, Val 16/7
Olís-deild karla ÍBV

Mest lesið


Fleiri fréttir

Sjá meira


×

Mest lesið