„Fer á leikana með gífurlega háar kröfur á sjálfan mig“ Sindri Sverrisson skrifar 1. júní 2021 12:30 Anton Sveinn McKee ætlar sér stóra hluti í Tókýó. Getty/Andy Lyons Anton Sveinn McKee ætlar sér að synda á næstbesta tíma sögunnar, í 200 metra bringusundi á Ólympíuleikunum í Tókýó. Það ætti að skila honum verðlaunum, jafnvel fyrsta ólympíugulli Íslendinga. „Ég get ekki stjórnað því hvað aðrir gera svo markmiðin mín snúast að tímum. Markmiðið mitt er að synda á 2:06,50, sem er þá annar besti tími í sögunni. Það er stærsta markmiðið mitt og ef allt gengur upp veit ég að ég get verið á þessum tíma, og það ætti vonandi að geta skilað mjög sterkum árangri. Hvort það skilar verðlaunapeningi eða ekki verður bara að koma í ljós. Auðvitað dreymir mann um verðlaun en markmiðið mitt er að ná þessum góða tíma,“ segir Anton Sveinn. Einn í sögunni synt á tímanum sem Anton stefnir á Heimsmeistarinn Anton Chupkov er sigurstranglegastur í 200 metra bringusundi á leikunum. Hann er 24 ára gamall og vann brons á Ólympíuleikunum í Ríó 2016. Öfugt við hinn íslenska nafna sinn á Chupkov reyndar ekki möguleika á að fá að standa efst á verðlaunapalli og hlýða á sinn þjóðsöng í Tókýó 29. júlí. Þeir rússnesku keppendur sem fá að taka þátt á leikunum gera það sem „hlutlausir“ keppendur, undir fána rússneska ólympíusambandsins, vegna hins mikla lyfjahneykslis þar í landi. Chupkov er sá eini í heiminum sem synt hefur 200 metra bringusund á innan við 2:06,50 mínútum. Stóra markmiðið hans Antons Sveins er að synda undir þeim tíma og að því hefur hann unnið hörðum höndum, þó að undirbúningurinn hafi alls ekki gengið þrautalaust eins og Anton talaði um við Vísi. Heimsmetið hans Chupkov er 2:06,12 en þegar hann varð Evrópumeistari í síðasta mánuði synti hann á 2:06,99. Íslandsmet Antons Sveins frá 2015 er 2:10,21 og ljóst að hann setur markið mjög hátt, reynslunni ríkari eftir að hafa þegar farið á tvenna Ólympíuleika; í London 2012 og Ríó 2016. „Ég fór á mína fyrstu Ólympíuleika fyrst og fremst bara sem þátttakandi. Núna fer ég á leikana með gífurlega háar kröfur á sjálfan mig, og markmið um að komast í úrslit og vel það,“ segir hinn 27 ára gamli Anton Sveinn. Alltaf dreymt um að sjá fánann fara upp og hlusta á þjóðsönginn Í sundi á Ólympíuleikum synda þeir bestu þrjú sund í hverri grein. Þeir þurfa að komast í gegnum undanrásir og svo 16 manna undanúrslit til að komast í úrslitasundið, þar sem átta keppendur synda. Anton varð í 18. sæti í 200 metra bringusundi á Ólympíuleikunum í Ríó, sem voru honum mikil vonbrigði, en núna ætlar hann í úrslit og synda þar á tíma sem gæti vel dugað til verðlauna: „Til að ná þannig árangri þarf sundíþróttin að vera það eina sem maður sinnir, og til þess þarf maður stuðning. Þess vegna er erfitt að taka ákvörðun um að halda áfram þegar maður er alltaf röngu megin við núllið þegar búið er að fara í gegnum allar kvittanir. Maður gerir þetta ekki fyrir gróða heldur til að skara fram úr fyrir Íslands hönd á stærsta sviðinu. Það hefur alltaf verið draumurinn – að synda til sigurs á stórmóti, standa efst á verðlaunapalli og sjá fánann fara upp og hlusta á þjóðsönginn.“ Anton Sveinn McKee á Ólympíuleikunum í Ríó fyrir tæpum fimm árum. Þar varð hann að sætta sig við 18. sæti í 200 metra bringusundi og rétt missti af sæti í undanúrslitum.EPA/PATRICK B. KRAEMER Vonast til þess að komast í æfingabúðir í Tókýó Anton mun ekki keppa á fleiri mótum þá tæpu tvo mánuði sem eru fram að keppni í Tókýó. Hann er við æfingar í Virginíu í Bandaríkjunum en vonast til að komast í æfingabúðir í Japan eða annars staðar í Asíu í aðdraganda leikanna. „Það er ekki víst hvort að það verður eitthvað af æfingabúðunum sem ég ætlaði að vera í fyrir leikana, vegna stöðu kórónuveirufaraldursins í Japan. Við ætluðum að vera þarna nálægt Tókýó. Vonandi verða þær æfingabúðir svo ég geti mætt í þær, 2-3 vikum fyrir leikana, og æft í tímabeltinu sem ég er að fara að keppa í. Ég verð í æfingabúðum með þjálfaranum mínum, sem fer fyrir hönd Egyptalands, en hann þjálfaði Singapúr áður svo við verðum með því landsliði líka. Ég má svo mæta í ólympíuþorpið örfáum dögum fyrir keppni og fimm dögum eftir keppni þarf maður að vera farinn. Næstu vikur mun ég fínpússa allt. Ég er enn í þungum sund- og lyftingaæfingum núna en hætti að lyfta 3-4 vikum fyrir keppni til að „hvíla“ líkamann til að ná hámarksárangri á leikunum,“ segir fremsti sundmaður þjóðarinnar og eini íslenski íþróttamaðurinn sem tryggt hefur sér farseðilinn til Tókýó. Sund Ólympíuleikar 2020 í Tókýó Mest lesið Fórnaði frægasta hári handboltans Handbolti „Var alltaf Mist með krabbamein alls staðar annars staðar“ Íslenski boltinn NRK um Sædísi í kvöld: Grét sáran eftir að hafa „misst hausinn gjörsamlega“ Fótbolti Ísland - Færeyjar 22-24 | Þungt kvöld í Úlfarsárdal Handbolti Ricky Hatton fyrirfór sér Sport Heimir staðfastur þrátt fyrir kjaftshögg Szoboszlai Fótbolti Uppgjörið: Álftanes - Grindavík 70-79 | Grindvíkingar með fullt hús Körfubolti Vekur athygli fyrir opinskáa umræðu um veikindi sín Körfubolti Portúgalarnir í skýjunum yfir gestrisni Framara Handbolti Dóttir Katrínar Tönju komin í heimin Sport Fleiri fréttir Vildi ekki að börnin sín myndu alast upp í Englandi „Skora á yfirvöld að afturkalla þessa huglausu ákvörðun“ Flytur langt í burtu frá Ítalíu ef liðið hans kemst ekki á HM Rúnar Ingi: Glaður að ég þurfti ekki að vera í opnunarleiknum á nýja húsinu Prufa ný VAR-spjöld fyrir þjálfara Uppgjörið: Álftanes - Grindavík 70-79 | Grindvíkingar með fullt hús „Það langbesta sem við höfum sýnt í vetur“ Uppgjörið: Valur-Ármann 94-83 | Valsmenn í vandræðum með nýliðana FIFA segir að Trump geti tekið HM-leiki af bandarískum borgum „Mér er alveg sama hvað ég skora mikið, ég vil bara fá sigur“ Uppgjörið: ÍA - Njarðvík 119-130 | Svakaleg spenna á Skaganum Boltinn var inni og Glódís Perla fagnaði dramatískum sigri Haukar einir á toppnum og HK á hraðri leið upp töfluna Uppgjörið: KR - Þór Þ. 95-75 | Fullkomin byrjun KR heldur áfram Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Vinicius Junior bauð í svaka partý en gæti endað í fangelsi Gæti náð Liverpool-leiknum Ekki góð ferð til Lemgo hjá Hauki og félögum Diljá og félagar náðu ekki að snúa við blaðinu Meira harpix á milli Íslands, Færeyja og Grænlands Hatrið á sér heillanga sögu: Hitað upp fyrir uppgjör ensku risanna Gæti misst af HM ef hún fær ekki vegabréf fyrir nýfædda dóttur sína Jóhann tekur við Þrótti en Blikar leita áfram Mætti ryðgaður til leiks eftir aðgerðina Fórnaði frægasta hári handboltans Sundstjarna hættir óvænt 25 ára: „Allir draumarnir rættust“ Neitar að gista á liðshótelinu vegna draugagangs Unnu sextánda leikinn í röð og eiga heimsmetið Portúgalarnir í skýjunum yfir gestrisni Framara Sjá meira
„Ég get ekki stjórnað því hvað aðrir gera svo markmiðin mín snúast að tímum. Markmiðið mitt er að synda á 2:06,50, sem er þá annar besti tími í sögunni. Það er stærsta markmiðið mitt og ef allt gengur upp veit ég að ég get verið á þessum tíma, og það ætti vonandi að geta skilað mjög sterkum árangri. Hvort það skilar verðlaunapeningi eða ekki verður bara að koma í ljós. Auðvitað dreymir mann um verðlaun en markmiðið mitt er að ná þessum góða tíma,“ segir Anton Sveinn. Einn í sögunni synt á tímanum sem Anton stefnir á Heimsmeistarinn Anton Chupkov er sigurstranglegastur í 200 metra bringusundi á leikunum. Hann er 24 ára gamall og vann brons á Ólympíuleikunum í Ríó 2016. Öfugt við hinn íslenska nafna sinn á Chupkov reyndar ekki möguleika á að fá að standa efst á verðlaunapalli og hlýða á sinn þjóðsöng í Tókýó 29. júlí. Þeir rússnesku keppendur sem fá að taka þátt á leikunum gera það sem „hlutlausir“ keppendur, undir fána rússneska ólympíusambandsins, vegna hins mikla lyfjahneykslis þar í landi. Chupkov er sá eini í heiminum sem synt hefur 200 metra bringusund á innan við 2:06,50 mínútum. Stóra markmiðið hans Antons Sveins er að synda undir þeim tíma og að því hefur hann unnið hörðum höndum, þó að undirbúningurinn hafi alls ekki gengið þrautalaust eins og Anton talaði um við Vísi. Heimsmetið hans Chupkov er 2:06,12 en þegar hann varð Evrópumeistari í síðasta mánuði synti hann á 2:06,99. Íslandsmet Antons Sveins frá 2015 er 2:10,21 og ljóst að hann setur markið mjög hátt, reynslunni ríkari eftir að hafa þegar farið á tvenna Ólympíuleika; í London 2012 og Ríó 2016. „Ég fór á mína fyrstu Ólympíuleika fyrst og fremst bara sem þátttakandi. Núna fer ég á leikana með gífurlega háar kröfur á sjálfan mig, og markmið um að komast í úrslit og vel það,“ segir hinn 27 ára gamli Anton Sveinn. Alltaf dreymt um að sjá fánann fara upp og hlusta á þjóðsönginn Í sundi á Ólympíuleikum synda þeir bestu þrjú sund í hverri grein. Þeir þurfa að komast í gegnum undanrásir og svo 16 manna undanúrslit til að komast í úrslitasundið, þar sem átta keppendur synda. Anton varð í 18. sæti í 200 metra bringusundi á Ólympíuleikunum í Ríó, sem voru honum mikil vonbrigði, en núna ætlar hann í úrslit og synda þar á tíma sem gæti vel dugað til verðlauna: „Til að ná þannig árangri þarf sundíþróttin að vera það eina sem maður sinnir, og til þess þarf maður stuðning. Þess vegna er erfitt að taka ákvörðun um að halda áfram þegar maður er alltaf röngu megin við núllið þegar búið er að fara í gegnum allar kvittanir. Maður gerir þetta ekki fyrir gróða heldur til að skara fram úr fyrir Íslands hönd á stærsta sviðinu. Það hefur alltaf verið draumurinn – að synda til sigurs á stórmóti, standa efst á verðlaunapalli og sjá fánann fara upp og hlusta á þjóðsönginn.“ Anton Sveinn McKee á Ólympíuleikunum í Ríó fyrir tæpum fimm árum. Þar varð hann að sætta sig við 18. sæti í 200 metra bringusundi og rétt missti af sæti í undanúrslitum.EPA/PATRICK B. KRAEMER Vonast til þess að komast í æfingabúðir í Tókýó Anton mun ekki keppa á fleiri mótum þá tæpu tvo mánuði sem eru fram að keppni í Tókýó. Hann er við æfingar í Virginíu í Bandaríkjunum en vonast til að komast í æfingabúðir í Japan eða annars staðar í Asíu í aðdraganda leikanna. „Það er ekki víst hvort að það verður eitthvað af æfingabúðunum sem ég ætlaði að vera í fyrir leikana, vegna stöðu kórónuveirufaraldursins í Japan. Við ætluðum að vera þarna nálægt Tókýó. Vonandi verða þær æfingabúðir svo ég geti mætt í þær, 2-3 vikum fyrir leikana, og æft í tímabeltinu sem ég er að fara að keppa í. Ég verð í æfingabúðum með þjálfaranum mínum, sem fer fyrir hönd Egyptalands, en hann þjálfaði Singapúr áður svo við verðum með því landsliði líka. Ég má svo mæta í ólympíuþorpið örfáum dögum fyrir keppni og fimm dögum eftir keppni þarf maður að vera farinn. Næstu vikur mun ég fínpússa allt. Ég er enn í þungum sund- og lyftingaæfingum núna en hætti að lyfta 3-4 vikum fyrir keppni til að „hvíla“ líkamann til að ná hámarksárangri á leikunum,“ segir fremsti sundmaður þjóðarinnar og eini íslenski íþróttamaðurinn sem tryggt hefur sér farseðilinn til Tókýó.
Sund Ólympíuleikar 2020 í Tókýó Mest lesið Fórnaði frægasta hári handboltans Handbolti „Var alltaf Mist með krabbamein alls staðar annars staðar“ Íslenski boltinn NRK um Sædísi í kvöld: Grét sáran eftir að hafa „misst hausinn gjörsamlega“ Fótbolti Ísland - Færeyjar 22-24 | Þungt kvöld í Úlfarsárdal Handbolti Ricky Hatton fyrirfór sér Sport Heimir staðfastur þrátt fyrir kjaftshögg Szoboszlai Fótbolti Uppgjörið: Álftanes - Grindavík 70-79 | Grindvíkingar með fullt hús Körfubolti Vekur athygli fyrir opinskáa umræðu um veikindi sín Körfubolti Portúgalarnir í skýjunum yfir gestrisni Framara Handbolti Dóttir Katrínar Tönju komin í heimin Sport Fleiri fréttir Vildi ekki að börnin sín myndu alast upp í Englandi „Skora á yfirvöld að afturkalla þessa huglausu ákvörðun“ Flytur langt í burtu frá Ítalíu ef liðið hans kemst ekki á HM Rúnar Ingi: Glaður að ég þurfti ekki að vera í opnunarleiknum á nýja húsinu Prufa ný VAR-spjöld fyrir þjálfara Uppgjörið: Álftanes - Grindavík 70-79 | Grindvíkingar með fullt hús „Það langbesta sem við höfum sýnt í vetur“ Uppgjörið: Valur-Ármann 94-83 | Valsmenn í vandræðum með nýliðana FIFA segir að Trump geti tekið HM-leiki af bandarískum borgum „Mér er alveg sama hvað ég skora mikið, ég vil bara fá sigur“ Uppgjörið: ÍA - Njarðvík 119-130 | Svakaleg spenna á Skaganum Boltinn var inni og Glódís Perla fagnaði dramatískum sigri Haukar einir á toppnum og HK á hraðri leið upp töfluna Uppgjörið: KR - Þór Þ. 95-75 | Fullkomin byrjun KR heldur áfram Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Vinicius Junior bauð í svaka partý en gæti endað í fangelsi Gæti náð Liverpool-leiknum Ekki góð ferð til Lemgo hjá Hauki og félögum Diljá og félagar náðu ekki að snúa við blaðinu Meira harpix á milli Íslands, Færeyja og Grænlands Hatrið á sér heillanga sögu: Hitað upp fyrir uppgjör ensku risanna Gæti misst af HM ef hún fær ekki vegabréf fyrir nýfædda dóttur sína Jóhann tekur við Þrótti en Blikar leita áfram Mætti ryðgaður til leiks eftir aðgerðina Fórnaði frægasta hári handboltans Sundstjarna hættir óvænt 25 ára: „Allir draumarnir rættust“ Neitar að gista á liðshótelinu vegna draugagangs Unnu sextánda leikinn í röð og eiga heimsmetið Portúgalarnir í skýjunum yfir gestrisni Framara Sjá meira