Viðskipti erlent

Hafa gefið bólusettum 1,5 milljón kleinurhringi og eru rétt að byrja

Hólmfríður Gísladóttir skrifar
Forsvarsmenn Krispy Kreme gera ráð fyrir að gefa milljónir kleinuhringja á árinu.
Forsvarsmenn Krispy Kreme gera ráð fyrir að gefa milljónir kleinuhringja á árinu.

Kleinuhringjakeðjan Krispy Kreme hefur gefið 1,5 milljón kleinuhringi til bólusettra einstaklinga. Keðjan tilkynnti í mars síðastliðnum að allir Bandaríkjamenn sem hefðu þegið bólusetningu ættu kost á því að fá einn ókeypis kleinuhring á dag út árið.

Dave Skena, framkvæmdastjóri markaðsmála hjá Krispy Kreme, segist gera ráð fyrir því að keðjan muni gefa milljónir kleinuhringja á árinu en nú þegar hefur helmingur fullorðinna Bandaríkjamanna fengið að minnsta kosti einn skammt af bóluefni.

Til að fá kleinuhring án greiðslu á næsta afgreiðslustað þarf fólk að hafa fengið einn skammt af bóluefni gegn Covid-19 og getað framvísað vottorði því til sönnunar.

Krispy Kreme er eitt af nokkrum fjölda fyrirtækja sem hafa ákveðið að verðlauna bólusetta Bandaríkjamenn til að hvetja fleiri til að þiggja bólusetningu. Þannig hefur Budweiser heitið ókeypis bjór, Junior's Cheesecake ókeypis ostaköku og Nathan's Hot Dogs ókeypis pylsum.

Þá hafa mörg fyrirtæki boðið starfsmönnum sínum bónusa eða frí gegn því að þeir láti bólusetja sig.

Samkvæmt CNN á Krispy Kreme nokkuð undir í almannatengslum þessi misserin þar sem fyrirtækið er sagt stefna á skráningu í kauphöll. Þá hefur keðjan verið að færa út kvíarnar og opnaði meðal annars risastóra verslun í New York á dögunum.

Þar er að finna glassúrfoss, 24 stunda lúguþjónustu og áhorfendabekki þar sem áhugasamir geta fylgst með því hvernig kleinuhringirnir víðfrægu verða til.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,68
16
368.368
HAGA
2,4
11
128.282
ARION
2,16
23
539.816
MAREL
2,04
8
44.126
FESTI
1,51
7
121.180

Mesta lækkun dagsins


Félag
Br.%
Fjöldi
Velta*
SKEL
-2,34
1
906
ORIGO
-1,69
2
4.060
ICESEA
-1,18
4
7.891
BRIM
-0,91
2
156
VIS
0
6
80.463
Velkomin á Vísi. Þessi vefur notar vafrakökur. Sjá nánar.