Handbolti

Alexander vann Ís­lendinga­slaginn og læri­sveinar Guð­mundar unnu góðan sigur

Runólfur Trausti Þórhallsson skrifar
Alexander komst ekki á blað í dag en hafði betur gegn Bjarka Má og félögum í Lemgo.
Alexander komst ekki á blað í dag en hafði betur gegn Bjarka Má og félögum í Lemgo. Flensburg

Alls voru fjögur Íslendingalið að keppa í þýsku úrvalsdeildinni í handbolta í dag. Aðeins Melsungen og Flenburg lönduðu sigri.

Bjarki Már Elísson skoraði fimm mörk í 11 marka tapi Lemgo á heimavelli gegn Flensburg. Alexander Petersson komst ekki á blað hjá gestunum, lokatölur 22-33.

Lærisveinar Guðmundar Guðmundssonar landsliðsþjálfara í Melsungen unnu góðan fimm marka útisigur á Coburg, 30-25. Arnar Freyr Arnarsson komst ekki á blað hjá Melsungen í leiknum.

Oddur Gretarsson skoraði fjögur mörk er Balingen-Weilstetten tapaði með fimm marka mun á útivelli gegn Ludwigshafen í mikilvægum leik í fallbaráttunni, lokatölur 27-22. Aðeins munar einu stigi á Balingen og Ludwigshafen en síðarnefnda liðið er í fallsæti.

Flensburg er sem stendur í 2. sæti deildarinnar með 56 stig, þremur stigum á eftir toppliði Kiel. Melsungen er í 8. sæti með 36 stig á meðan Lemgo er í 11. sæti með 31 stig og Balingen er í 16. sæti með 22 stig. 




Fleiri fréttir

Sjá meira


×