Vill framlengja við Mk­hitary­an þrátt fyrir vand­ræðin í Manchester

Mkhitaryan og Mourinho unnu saman hjá Manchester United og í stuttu máli má segja að það lék alls ekki allt í lyndi þeirra á milli.

Mkhitaryan kom á fyrstu leiktíð Mourinho á Old Trafford en náði ekki að slá í gegn undir stjórn Portúgalans hjá Manchester United.

Þrátt fyrir vandræðin á Old Trafford þá vill Mourinho nú halda Armenanum hjá Roma og hefur sagt stjórn félagsins að framlengja við kappann.

Mkhitaryan er þó ekki full viss um að hann vilji spila undir stjórn Portúgalans á ný og íhugar hvort að hann eigi að framlengja við Rómaliðið eða færa sig um set.

Ítalski boltinn, Serie A, er á Stöð 2 Sport en upplýsingar um útsendingar má finna hér. Serie A er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.