Tap gegn Villa kom ekki að sök

Chelsea tapaði 2-1 fyrir Aston Villa í lokaumferð ensku úrvalsdeildarinnar en þrátt fyrir tapið tryggðu þeir sér sæti í Meistaradeildinni á næstu leiktíð því Leicester tapaði á sama tíma gegn Tottenham á heimavelli.

Aston Villa komst yfir á 43. mínútu með marki Bertrand Traore. Hornspyrnan var vel unnin, beint af æfingasvæðinu, sem endaði með því að Traore kom boltanum í netið.

Chelsea þurfti að skipta um markvörð í hálfleik er Edouard Mendy fór af velli vegna meiðsla og Kepa kom í markið í hans stað.

Kepa tókst ekki að verja vítaspyrnu Anwar El Ghazi á 52. mínútu eftir að Jorginho braut á Bertrand Traore.

Ben Chillwell minnkaði muninn fyrir Chelsea á 70. mínútu en nær komust þeir ekki og lokatölur 2-1.

Chelsea endar í fjórða sætinu og er því tryggt í Meistaradeildina á næstu leiktíð en þeir mæta Man. City í úrslitaleiknum í Meistaradeildinni á laugardag.

Aston Villa endar í ellefta sætinu.