Viðskipti innlent

Stytta sér leið með kaupunum á Lumina

Eiður Þór Árnason skrifar
F.v. Guðjón Vilhjálmsson, forstöðumaður heilbrigðislausna hjá Origo, Arnar Freyr Reynisson, framkvæmdastjóri Lumina Medical Solutions, og Steingrímur Árnason, forstöðumaður tækniþróunar Lumina Medical Solutions.
F.v. Guðjón Vilhjálmsson, forstöðumaður heilbrigðislausna hjá Origo, Arnar Freyr Reynisson, framkvæmdastjóri Lumina Medical Solutions, og Steingrímur Árnason, forstöðumaður tækniþróunar Lumina Medical Solutions. Aðsend

Origo hefur keypt heilbrigðislausnina Lumina af Lumina Medical Solutions. Hyggst fyrirtækið nýta lausnina í áframhaldandi þróun á notendaviðmóti sjúkraskrárkerfisins Sögu sem er nýtt af meginhluta heilbrigðisstarfsfólks á Íslandi.

Samhliða því verður nafni Lumina Medical Solutions breytt í Dicino í tengslum við inngöngu á erlendan markað þar sem fyrra nafnið reyndist frátekið í alþjóðlegum gagnagrunni vörumerkja.

Fram kemur í tilkynningu frá fyrirtækinu að heilbrigðislausnin Lumina geri læknum og hjúkrunarfræðingum kleift að greina og skrá upplýsingar um heilsufar sjúklings á fjölmörgum tungumálum, senda lyfseðla í apótek og tilmæli til sjúklings með mun hraðvirkari hætti en viðgengst í dag.

Samhliða skráningu leiti lausnin að hugsanlegri sjúkdómagreiningu og fært um að styðja og leiðbeina um frekari rannsóknir, lyf eða spurningar. Enn fremur þýði lausnin skráninguna frá einu tungumáli yfir í annað í rauntíma.

Kaupin stytti þeim leið

„Heilbrigðisstarfsfólk eyðir að jafnaði tveimur klukkustundum á dag í skráningarvinnu. Prófanir voru framkvæmdar þar sem notkun á Lumina var borin saman við notkun á núverandi sjúkrakerfum. Niðurstöður sýndu að þátttakendur styttu að meðaltali 71% skráningartíma með notkun Lumina,“ segir í tilkynningunni.

Guðjón Vilhjálmsson, forstöðumaður heilbrigðislausna hjá Origo, segir að félagið hafi lengi fylgst með þróun Lumina.

„Undanfarin misseri hefur Origo unnið að umfangsmikilli endurhönnun sjúkraskrárkerfisins Sögu og við erum sannfærð um að þessi kaup hjálpi okkur og stytti okkur leið á þeirri vegferð,“ er haft eftir honum í tilkynningu.

Stefna á útrás

Að sögn Lumina Medical Solutions þróar fyrirtækið núna nýja alþjóðlega heilbrigðislausn sem greini einkenni sjúklings óháð tungumáli og skrifar á sama tíma faglega og fjöltyngda læknaskýrslu fyrir viðkomandi lækni.

„Markmið okkar með nýju lausninni er að efla þjónustu við sjúklinga, stytta skráningartíma lækna og biðtíma sjúklinga, minnka álag á lækna og lækka kostnað heilbrigðisstofnana,“ segir Steingrímur Árnason, forstöðumaður tækniþróunar Lumina Medical Solutions, í tilkynningu.

Fyrst verði horft til Spánar og þaðan inn á aðra markaði.

„Spánn er tilvalið land til að byrja á þar sem ríkisstjórn Spánar, héruð og einkarekin fyrirtækin hafa sett sér það að markmiði að stafræna heilbrigðiskerfið þar í landi. Spánn á einnig von á háum fjárhagslegum styrk frá Evrópusambandinu vegna COVID-19 til að mæta þessu markmiði,“ segir Arnar Freyr Reynisson, framkvæmdastjóri Lumina Medical Solutions.

Fyrirtækið fékk 50 milljóna króna styrk frá Tækniþróunarsjóði árið 2019 til þess að þróa Lumina-sjúkraskráningakerfið og hefur fengið 10 milljónir frá sjóðnum fyrir nýju lausnina til þess að sækja inn á markaðinn á Spáni. Hyggst fyrirtækið þar að auki sækja enn frekara fjármagn til þess hraða tækniþróuninni og efla sóknina á Spáni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SVN
2,1
28
174.679
ICEAIR
1,74
63
104.844
EIM
1,49
6
120.842
EIK
1,42
7
114.555
SJOVA
1,07
5
113.850

Mesta lækkun dagsins


Félag
Br.%
Fjöldi
Velta*
ICESEA
-0,57
2
10.530
BRIM
-0,55
4
1.312
ORIGO
-0,39
1
1.012
VIS
-0,3
4
164.600
ARION
-0,17
10
50.334
Velkomin á Vísi. Þessi vefur notar vafrakökur. Sjá nánar.