Matur

Innlendir og erlendir sérfræðingar miðla þekkingu sinni á Reykjavík Cocktail Weekend

Sylvía Rut Sigfúsdóttir skrifar
Grétar Matthíasson einn skipuleggjanda Reykjavík Cocktail Weekend.
Grétar Matthíasson einn skipuleggjanda Reykjavík Cocktail Weekend. Aðsent

Þessa viku fer fram sérstök mini útgáfa af Reykjavík Cocktail Weekend en í ár er hátíðin í formi netráðstefnu.

Hátíðin hófst í gær og er fjöldi fyrirlestra á dagskrá fyrir þá sem hafa áhuga á drykkjum og barmenningu og vilja auka við þekkingu sína. Vegna Covid-19 þá var Reykjavík Cocktail Weekend ekki haldin árið 2020 og má því segja að þessi net ráðstefnasé sú hátíð, bara ári síðar og í smærra sniði.

„Viðburðurinn verður eingöngu á netinu og það hefur aldrei verið gert svo við erum mjög spennt að sjá hvernig hann lukkast,“ segir Grétar Matthíasson forseti Barþjónaklúbbs Íslands í samtali við Vísi.

„Það hefur verið mikill undirbúningur fyrir þetta og við höfum fengið fullt af flottum vínframleiðendum um allan heim til að taka þátt í þessu verkefni með okkur.“

Samhliða netráðstefnunni þá verður fjöldinn allur af mini pop-up viðburðum á veitingastöðum víðs vegar á höfuðborgarsvæðinu. Jafnt innlendir sem og erlendir sérfræðingar munu miðla þekkingu sinni og reynslu á þessari hátíð. 

Hægt er að fara á viðburðina í gegnum síðu Barþjónaklúbbsins, bar.is en einnig er hægt að fylgjast með í gegnum Eventee.

„Við vonum að sem flestir hafi gaman hafa gaman og læri á þessu fróðleiksmikla fólki sem er að fara að halda virkilega skemmtilega fyrirlestra.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.