Innlent

Tveir greindust á Sauð­ár­króki í gær

Atli Ísleifsson skrifar
Frá Sauðárkróki. Alls hafa ellefu smit komið upp í Skagafirði síðustu daga.
Frá Sauðárkróki. Alls hafa ellefu smit komið upp í Skagafirði síðustu daga. Vísir/egill

Tveir greindust með kórónuveiruna á Sauðárkróki í Skagafirði í gær, en alls eru nú tíu manns í einangrun í bænum.

Lögreglan á Norðurlandi vestra segir frá þessu, en alls greindust þrír með veiruna innanlands í gær, þar af einn utan sóttkvíar.

„Í gærkvöldi greindust tvö ný smit í póstnúmeri 550 [Sauðárkróki], en að sama skapi fækkar um einn í yfirlitinu þar sem að sá aðili mun taka út sína einangrun í öðru sveitarfélagi. Færist hans skráning því þangað. Engu að síður er fjöldinn orðinn 11 síðan að þetta verkefni hófst,“ segir í tilkynningunni frá lögreglu.

Auk þess er 281 maður í sóttkví í póstnúmerinu 550, Sauðárkróki, og sextán til viðbótar í póstnúmerinu 551, helstu nærsveitum bæjarins. Í heildina eru 345 manns í sóttkví í umdæmi lögreglunnar á Norðurlandi vestra.

Gripið var til harðra aðgerða í Skagafirði og Akrahreppi um helgina vegna fjölgunar smita. Ákváðu almannavarnir að þær tilslakanir sem tóku gildi annars staðar á landinu á mánudaginn myndu ekki eiga við svæðið að svo stöddu. Leikskólum, grunnskólum og sundlaugum var einnig lokað og ýmsum íþróttaviðburðum frestað.

Faraldur kórónuveiru (COVID-19) Skagafjörður Akrahreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið