Innlent

Þrír greindust innan­lands í gær

Atli Ísleifsson skrifar
62.276 manns eru nú fullbólusettir hér á landi. Þá er bólusetning hafin hjá um 82.500 til viðbótar.
62.276 manns eru nú fullbólusettir hér á landi. Þá er bólusetning hafin hjá um 82.500 til viðbótar. Vísir/Vilhelm

Þrír greindust með kórónuveiruna innan­lands í gær. Tveir sem greindust voru í sóttkví, en einn var utan sóttkvíar. 

Þetta kemur fram í uppfærðum tölum á síðunni Covid.is.

75 eru nú í einangrun, en voru 84 í gær. 483 eru nú í sóttkví, en voru 543 í gær. 969 eru nú í skimunarsóttkví. Þá eru þrír nú á sjúkrahúsi vegna Covid-19, sami fjöldi og í gær.

Einn greindist á landamærum í gær og greindist sá með virkt smit í fyrri landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 16,1, en var 17,7 í gær. Nýgengi á smiti á landamærum er nú 2,7, en var 2,5 í gær.

62.276 eru nú fullbólusettir hér á landi og er bólusetning hafin hjá 82.499 til viðbótar.

Alls hafa 6.526 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 943 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 626 sýni tekin á landamærunum eða í seinni landamæraskimun og 492 í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.