Innlent

Slökkviliðið sinnir útkalli við Hvaleyrarvatn

Kolbeinn Tumi Daðason skrifar
Þessi mynd er tekin við álverið í Straumsvík klukkan 15:35. Reykurinn stígur upp frá svæðinu við Hvaleyrarvatn í Heiðmörk.
Þessi mynd er tekin við álverið í Straumsvík klukkan 15:35. Reykurinn stígur upp frá svæðinu við Hvaleyrarvatn í Heiðmörk. Vísir/Vilhelm

Slökkviliðið á höfuðborgarsvæðinu sinnir útkalli við Hvaleyrarvatn í Hafnarfirði þar sem logar gróðureldur. Þetta segir varðstjóri hjá slökkviliðinu í stuttu samtali við Vísi.

Nánari upplýsingar um gróðureldinn er ekki að fá að svo stöddu.

Uppfært klukkan 16:23: Varðstjóri hjá slökkviliðinu segir að verið sé að slökkva í glæðum.Varðstjóri hjá slökkviliðinu segir að verið sé að slökkva í glæðum.

Gróður er afar þurr og þarf lítið til að verði bál.Vísir/Vilhelm

Slökkviliðsmenn á Suðurlandi slökktu í dag eld í Grímsnesi á Suðurlandi, nærri Búrfelli, þar sem kviknaði gróðureldur út frá slípirokk. Þá sinna slökkviliðsmenn af Suðurnesjum gróðureldi á Vatnsleysuströnd.

Frá Hvaleyrarvatni.Landhelgisgæslan

Hættustigi almannvarna var lýst yfir í dag vegna hættu á gróðureldum og nær það yfir svæðið allt frá Snæfellsnesi austur undir Eyjafjöll. 

Afar þurrt hefur verið á landinu undanfarið og sér ekki fyrir endann á.

Slökkviliðsbíll mættur í Heiðmörkina á fjórða tímanum.Vísir/TelmaT

Vika er liðin síðan stór gróðureldur kviknaði í Heiðmörk.

Fréttin er í vinnslu.


Tengdar fréttir

Slökktu gróðureld sem kviknaði út frá slípirokk í Grímsnesi

Slökkviliðsmenn af Suðurlandi náðu að slökkva fljótt í gróðureldi sem kviknaði nærri Búrfelli í Grímsnesi í dag. Hættustigi vegna gróðurelda er nú í gildi allt frá Eyjafjöllum vestur að Breiðafirði og meðferð á opnum eldi bönnuð.

Hættustig vegna hættu á gróðureldum

Búið er að lýsa yfir hættustigi almannavarna vegna hættu á gróðureldum allt frá Breiðafirði og austur undir Eyjafjöll. Þetta kemur fram í tilkynningu frá almannavörnum. Þar segir að ríkislögreglustjóri hafi tekið þessa ákvörðun, í samráði við lögreglustjóra og slökkviliðsstjóra á Vestfjörðum, Vesturlandi, höfuðborgarsvæðinu, Suðurnesjum og Suðurlandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.