Viktor Gísli stóð að venju vaktina í marki GOG og átti mjög fínan leik. Varði hann alls 11 skot og var með 37 prósent markvörslu. Hinum megin á vellinum átti Sveinn Jóhannsson stórleik en hann var markahæstur með sjö mörk í liði SönderjyskE.
Það dugði ekki til og GOG vann átta marka sigur, 36-28. Viktor Gísli og liðsfélagar hans eru þar með komnir í undanúrslit.
Ágúst Elí Björgvinsson var einnig í eldlínunni í kvöld er Kolding tapaði gegn Bjerringbro/Silkeborg. Lokatölur 27-23 þar sem Ágúst Elí varði fimm skot í marki Kolding.
