Innlent

Þungaðar konur geta þegið bólusetningu en ekki á fyrsta þriðjungi meðgöngu

Hólmfríður Gísladóttir skrifar
Ríki heims hafa tekið ólíka afstöðu gagnvart bólusetningu þungaðra kvenna.
Ríki heims hafa tekið ólíka afstöðu gagnvart bólusetningu þungaðra kvenna.

Konur sem tilheyra forgangshópum sem hafa verið bólusettir vegna Covid-19 hafa getað þegið bólusetningu þrátt fyrir að vera þungaðar en mælt er með því að bólusetja á öðrum eða þriðja þriðjungi meðgöngu.

Þetta kemur fram í tilkynningu frá sóttvarnalækni á vef landlæknisembættisins.

Þar segir að ekki sér ráðlegt að bólusetja á fyrsta þriðjungi, þegar líffæramyndun sé í hámarki.

Í tilkynningunni segir að hér á landi hafi barnshafandi konur ekki verið tilgreindar í áhættuhópi vegna Covid-19. Erlendis sé þessu farið á ýmsan máta; sums staðar sé þunguðum konum forgangsraðað en í einstaka löndum séu þær ekki bólusettar.

„Mesta reynsla og góð er af notkun mRNA bóluefnanna fyrir barnshafandi konur þar sem þau voru fyrst á markað. Þar til frekari upplýsingar liggja fyrir um notkun Janssen bóluefnis hjá barnshafandi konum verða mRNA bóluefnin notuð fyrir þær hér á landi,“ segir í tilkynningunni.

Faraldur kórónuveiru (COVID-19) Bólusetningar Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið