Norsk kona dæmd fyrir að aðild að ISIS

Atli Ísleifsson skrifar 4. maí 2021 13:58

Dómari í málinu taldi konuna hafa breytt „með vitund og vilja“. Getty

Dómstóll í Noregi dæmdi í dag þrítuga, norska konu í þriggja og hálfs árs fangelsi fyrir aðild sína að hryðjuverkasamtökunum ISIS. Taldi dómari að konan hafi breytt „með vitund og vilja“.

NRK segir frá því að konan hafi ferðast til Sýrlands sumarið 2013 og gengið í hjónaband með málaliðanum Bastian Vasquez sem starfaði innan Nusra-hreyfingarinnar og síðar ISIS.

Konan og Vasquez eignuðust saman tvö börn á meðan hún dvaldi í heimshlutanum. Fulltrúar norskra yfirvalda sóttu konuna og fluttu til Noregs í janúar 2020 eftir að eitt barna hennar hafði veikst alvarlega. Konan var handtekin við komuna til Noregs.

Réttarhöld í máli konunnar hófust 1. mars síðastliðinn. Verjandi konunnar fór fram á sýknu, en saksóknari fór fram á fjögurra ára fangelsi vegna brota konunnar á hryðjuverkalögunum.

Hún hefur verið í gæsluvarðhaldi í 402 daga sem munu nú dragast frá dómnum.

Noregur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.