Albumm

Geimævintýri byggt upp af leikþáttum

Ritstjórn Albúmm.is skrifar
Geimævintýrið segir frá ofurstráknum Ofur-Ólafi og geimprinsessunni Geimgerði sem hittast á plánetunni Ruglumbull.
Geimævintýrið segir frá ofurstráknum Ofur-Ólafi og geimprinsessunni Geimgerði sem hittast á plánetunni Ruglumbull.

Barnaplatan Út í geim og aftur heim eftir Alexander Frey Olgeirsson er nú komin út. Platan er geimævintýri sem er byggt upp af leikþáttum og ellefu glænýjum barnalögum.

Ævintýrið fjallar um ofurstrákinn Ofur-Ólaf og geimprinsessuna Geimgerði sem hittast á plánetunni Ruglumbull og þurfa að leggja krafta sína saman til þess að bjarga plánetunni frá illmenninu Demónusi Þumaltrölli. Demónus Þumaltröll hyggst taka undir sig plánetuna og leggja hana í rúst. Lögin og leikþættirnir mynda því heila sögu. Lögin eru öll frumsamin og eru í popp/rokk stíl undir áhrifum frá 9. áratugnum með tilheyrandi synthum og öðru góðgæti. 

Höfundurinn, Alexander, fer með hlutverk Ofur-Ólafs ásamt aukahlutverkum, með hlutverk Geimgerðar fer söngkonan Karitas Harpa Davíðsdóttir og uppistandarinn og hlaðvarpsstjórnandinn Salómon Smári Óskarson fer með hlutverk illmennisins Demónusar Þumaltrölls. Karítas Gunnarsdóttir gerir allar teikningar og hannaði plötuumslagið. Alexander vinnur plötuna sjálfur, tekur upp og hljóðblandar en platan er hljóðjöfnuð hjá Bassa Ólafssyni í Stúdíó Tónverk.

„Fólk hefur tekið vel í plötuna frá því hún kom út. Ég veit að leikskólar og grunnskólar um allt land eru að spila hana og einnig foreldrar og börn,“ segir Alexander. 

Plötunni fylgir lítil litabók til þess að hámarka upplifunina og hægt er að fá litabók ásamt bolum og geisladiskum á Facebook-síðu verkefnisins.


Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.