Yeezy-skórnir hans Kanye seldust á 225 milljónir króna

Hallgerður Kolbrún E. Jónsdóttir skrifar 26. apríl 2021 17:33

Hér má sjá umrædda Yeezy-skó á sýningu fyrir uppboðið í Hong Kong. Kanye West klæddist skónum á Grammy verðlaunahátíðinni árið 2008. EPA-EFE/JEROME FAVRE

Par af Yeezy strigaskóm, sem hannaðir eru af rapparanum Kanye West og hann klæddist á Grammy verðlaunahátíðinni 2008, seldust á dögunum fyrir 1,8 milljónir Bandaríkjadala, eða um 225 milljónir króna. Strigaskór hafa aldrei áður selst á svo háu verði.

Skórnir voru frumgerð af fyrstu týpunni af Yeezy skóm og voru þeir hannaðir af West og hönnuðinum Mark Smith fyrir Nike. West frumsýndi skóna á Grammy verðlaunahátíðinni 2008 og flutti hann lögin Hey Mama og Stronger í skónum á hátíðinni.

Fjárfestingafyrirtækið RARAES keypti skóna en fyrirtækið býður fólki upp á að fjárfesta í strigaskóm með því að kaupa og selja hlut í skónum.

Uppboðshúsið Sotheby‘s sá um söluna en fyrir þetta höfðu dýrustu strigaskórnir til þessa selst á 560 þúsund Bandaríkjadali, eða tæpar 70 milljónir króna. Það voru Air Jordan skór frá árinu 1985, sem körfuboltamaðurinn Michael Jordan átti.

Tíska og hönnun Bandaríkin Hollywood

Tengdar fréttir

Lentu í niðurskurðarhnífi Adidas og geta ekki boðið upp á Yeezy skó

Rapparinn og fatahönnuðurinn Kanye West gaf á dögunum út nýja týpu af Yeezy skónum frægu. Skórnir seldust upp á innan við mínútu um heim allan.

9. mars 2021 07:01

Seldust upp á einni mínútu

Nýjustu Yeezy-skórnir frá rapparanum Kanye West og Adidas ruku út þegar sala hófst í morgun. Salan stóð ekki lengi yfir því mínútu eftir að opnað var fyrir pantanir voru skórnir uppseldir.

6. mars 2021 21:22

Fjölmargir freistuðu þess að næla sér í nýjustu Yeezy-skóna

Húrra Reykjavík hóf sölu á nýjustu útgáfu Yeezy Boost 350 V2 skónum í morgun.

30. júní 2018 11:09

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.