Körfubolti

Engir stuðnings­menn ÍR á leiknum í Ólafs­sal

Runólfur Trausti Þórhallsson skrifar
ÍR er með eitt öflugusta stuðningsfólkið í Dominos-deild karla.
ÍR er með eitt öflugusta stuðningsfólkið í Dominos-deild karla. Vísir/Bára

Leikur Hauka og ÍR í Dominos-deild hefst núna á slaginu 19.15. Gefið hefur verið leyfi fyrir 100 áhorfendum en koma þeir allir frá Haukum að þessu sinni. Gestirnir úr Breiðholti fengu ekki stakan miða á leikinn.

Samkvæmt Stefáni Borgþórssyni, framkvæmdastjóra körfuknattleiksdeildar Hauka, ákvað félagið að láta ársmiðahafa sína ganga fyrir og fengu ÍR-ingar enga miða á leik kvöldsins.

Samkvæmt reglugerð Körfuknattleikssambands Íslands eiga gestalið rétt á 30 prósent heildarmiðafjölda á leik hvern en það sama á ekki við um hefðbundna deildarkeppni.

Leikur Hauka og ÍR er gríðarmikilvægur fyrir bæði lið en Haukar eru sem stendur í neðsta sæti Dominos-deildarinnar og berjast fyrir lífi sínu á meðan ÍR berst um að tryggja sæti sitt í úrslitakeppninni.

Leikur kvöldsins er í beinni textalýsingu á Vísi. Hana má finna hér.


Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.