Viðskipti innlent

209 milljóna tap Ríkis­út­varpsins

Kristín Ólafsdóttir skrifar
Ríkisútvarpið.
Ríkisútvarpið. Vísir/vilhelm

Ríkisútvarpið tapaði 209 milljónum króna eftir skatta á árinu 2020, samkvæmt rekstrarreikningi sem kynntur var á aðalfundi í dag. Afkoma Ríkisútvarpsins sé þannig neikvæð í fyrsta sinn frá árinu 2014 vegna kórónuveirufaraldursins.

Fram kemur í tilkynningu frá Ríkisútvarpinu að auglýsingatekjur hafi lækkað um tæplega 200 milljónir króna milli ára. Auglýsingamarkaður hafi dregist saman á undanförnum árum og samdrátturinn verið mun meiri á síðasta ári í samanburði við fyrri þróun, sem rekja megi til áhrifa kórónuveirufaraldursins. Sífellt stærri hluti auglýsingatekna renni til erlendra aðila með sölu auglýsinga á netinu.

„Ljóst er að frekari þrengingar á auglýsingamarkaði munu hafa áhrif á tekjur félagsins og möguleika þess til að sinna þjónustuhlutverki sínu,“ segir í tilkynningu. Fjármögnun „almannaþjónustunnar“ byggist að hluta á tekjum af auglýsingasölu.

Þá er haft upp úr stuttu innleggi Stefáns Eiríkssonar útvarpsstjóra á aðalfundinum í dag að tekist hafi verið á við nýjar áskoranir í fyrra vegna heimsfaraldurs. Það hafi reynst „gæfa RÚV að vinna eftir skýrri stefnu þar sem markmið og hlutverk Ríkisútvarpsins eru vel skilgreind sem og þeim áherslum sem fram koma í þjónustusamningi við mennta- og menningarmálaráðherra.“

Ríkisútvarpið Fjölmiðlar Faraldur kórónuveiru (COVID-19)


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið