Handbolti

„Ofurspennandi“ Elín Jóna samdi við nýliðana

Sindri Sverrisson skrifar
Elín Jóna Þorsteinsdóttir er búin að skrifa undir samning við Ringköbing.
Elín Jóna Þorsteinsdóttir er búin að skrifa undir samning við Ringköbing. Ringköbing Haandbold

Elín Jóna Þorsteinsdóttir, landsliðsmarkvörður í handbolta, hefur söðlað um í Danmörku og mun verja mark Ringköbing í dönsku úrvalsdeildinni á næstu leiktíð.

Elín hefur varið mark Vendsyssel frá árinu 2018 þegar hún yfirgaf Hauka. Hún komst með liðinu upp í úrvalsdeild í fyrra en féll með því nú í vor.

Með skiptunum yfir til Ringköbing verður Elín Jóna hins vegar áfram í úrvalsdeildinni þar sem hún stóð sig vel og varði 222 skot á leiktíðinni. Ringköbing verður nýliði í deildinni eftir að hafa unnið 1. deildina.

„Elín er ofurspennandi markvörður sem við höfum fylgst grannt með síðustu tvö tímabil bæði í Vendsyssel og í íslenska landsliðinu,“ sagði Jesper Holmris, þjálfari Vendsyssel.

„Á þessari leiktíð hefur hún fengið dýrmæta reynslu í efstu deild og sannað sig á háu stigi. Við duttum í lukkupottinn með því að fá Elínu og ég er sannfærður um að hún passi fullkomlega inn í Ringköbing Håndbold, innan sem utan vallar,“ sagði Holmris.

Elín Jóna lék sinn 29. A-landsleik í Slóveníu á laugardaginn og leikur því sinn þrítugasta landsleik á Ásvöllum á miðvikudag þegar seinni umspilsleikurinn fer fram.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.