Handbolti

Viktor Gísli og fé­lagar með öruggan sigur

Runólfur Trausti Þórhallsson skrifar
Viktor Gísli varði tíu skot í dag.
Viktor Gísli varði tíu skot í dag. GOG

GOG og SönderjyskeE mættust í Íslendingaslag í dönsku úrvalsdeildinni í handbolta í dag. GOG vann öruggan níu marka sigur, lokatölur 36-27.

Það er svo sem lítið um leik GOG og SönderjyskE að segja. Viktor Gísli Hallgrímsson og félagar í GOG voru mun sterkari aðilinn frá upphafi til enda. 

Munurinn var orðinn sex mörk í hálfleik, staðan þá 18-12, og í síðari hálfleik jókst munurinn upp í níu mörk.

Lokatölur 36-27 GOG í vil. Viktor Gísli varði alls tíu skot í leiknum fyrir GOG á meðan Sveinn Jóhannsson skoraði eitt mark í liði SönderjyskE.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.