Íhuga að kæra HSÍ og Stjörnuna og segja kostnaðinn nálgast milljón króna Sindri Sverrisson skrifar 16. apríl 2021 10:01 KA/Þór er á toppi Olís-deildarinnar og getur orðið deildarmeistari í fyrsta sinn. vísir/hulda „Mér þykir líklegt að við leitum áfram réttar okkar eftir þeim leiðum sem eru í boði,“ segir Sævar Pétursson, framkvæmdastjóri KA. Hann telur afar ólíklegt að leikur KA/Þórs og Stjörnunnar í Olís-deild kvenna verði leikinn á ný í þessum mánuði. Stjarnan kærði úrslit leiks liðanna í febrúar eftir að í ljós kom að eitt marka KA/Þórs hafði verið oftalið í fyrri hálfleik. Liðin skoruðu 26 mörk hvort en mistök á ritaraborði, sem dómarar leiksins áttuðu sig ekki á, urðu til þess að KA/Þór var í fyrstu skráð með sigur, 27-26. Áfrýjunardómstóll HSÍ birti í gær úrskurð sinn þess efnis að liðin skyldu mætast að nýju, í venjulegum 60 mínútna leik þrátt fyrir að mistökin hafi orðið í stöðunni 17-12 fyrir KA/Þór. Sævar segir kostnað KA/Þórs vegna málsins farinn að slaga upp í eina milljón króna nú þegar skikka eigi Akureyringa til að ferðast aftur í Garðabæinn. Málinu sé hins vegar síður en svo lokið. Leikurinn hefur afar mikla þýðingu en KA/Þór á möguleika á að verða deildarmeistari í handbolta í fyrsta sinn. Liðið er efst þegar aðeins tvær umferðir eru eftir af Olís-deildinni en aðeins stigi á undan Fram og mætast liðin í lokaumferðinni. Ákveðið hefur verið að næstsíðasta umferð fari fram 1. maí og lokaumferðin 8. maí. Telur engar líkur á að leikurinn fari fram áður en deildakeppni á að ljúka Sævar segir HSÍ vilja að leikurinn fari fram 27. eða 28. apríl en telur mjög litlar líkur á að af því verði. Því er mikil óvissa um lok Olís-deildar kvenna og úrslitakeppnina. „Ég tel engar líkur á því að þessi leikur verði spilaður fyrir 1. maí, þegar næstsíðasta umferðin á að fara fram í deildinni. Ég held að málinu verði ekki lokið fyrir þann tíma, ef að við förum með það til ÍSÍ eða fyrir almenna dómstóla. Á meðan að málið er í ferli í íþróttahreyfingunni á ég ekki von á því að leikurinn verði spilaður,“ segir Sævar. Áfrýjunardómstóll ÍSÍ eða almennir dómstólar Vísir ræddi við Sævar í gær og sagði hann Akureyringa þá enn vera að átta sig á dómnum og þýðingu hans. Nú sé til skoðunar að fara með málið til áfrýjunardómstóls Íþrótta- og ólympíusambands Íslands, eða jafnvel fyrir almenna dómstóla: „Við erum að meta hvar við stöndum varðandi að fara með málið fyrir áfrýjunardómstól ÍSÍ. Svo er ekkert launungarmál að við höfum aðeins skoðað að fara með málið fyrir almenna dómstóla, því við verðum fyrir kostnaði sem við teljum algjörlega út í hött. Áfrýjunardómstóll HSÍ skuldbindur okkur nefnilega til að mæta á okkar eigin kostnað í endurtekinn leik, þó að við eigum enga sök að máli. Við berum enga ábyrgð en fáum allan kostnaðinn dæmdan á okkur,“ segir Sævar. Sævar segir að hugsanlegri kæru yrði beint til bæði Stjörnunnar og HSÍ. „Við viljum skoða hvort að það hafi skapast skaðabótaskylda með því hvernig staðið hefur verið að öllu þessu máli, bæði varðandi framkvæmd leiksins og svo á fyrra stigi áfrýjunardómstóls þegar við vorum ekki boðuð,“ segir Sævar. KA/Þór var ekki upplýst með fullnægjandi hætti um að málinu hefði verið áfrýjað, eftir að dómstóll HSÍ hafði í fyrstu vísað málinu frá, og var málið því tekið fyrir tvisvar hjá áfrýjunardómstóli. Kostnaðurinn slagar upp í eina milljón króna Sævar segir HSÍ ekki hafa boðist til að greiða kostnað KA/Þórs við annað ferðalag til Garðabæjar, ferðalag sem Akureyringar hafa auk þess engan áhuga á að fara í. „Nei. Það var ein af kröfum okkar að dómstóllinn myndi úrskurða um hvar kostnaðurinn við málið félli og niðurstaðan var sú að hann skyldi niður falla en að við skyldum mæta í leikinn upp á nýtt, frá Akureyri í Garðabæ. Dómstóllinn taldi sig ekki hafa heimild til að úrskurða um hvort að HSÍ eða Stjarnan ætti að taka þátt í kostnaði við það. Niðurstaða hans er að okkur beri að mæta í leikinn með öllum þeim kostnaði sem því fylgir fyrir okkur. Ferðakostnaðurinn einn og sér, það má áætla að hann sé á milli 200-300 þúsund krónur. Þetta mál hefur hingað til, með lögfræðikostnaði og öðru, kostað okkur á bilinu 800 þúsund upp í eina milljón. Við höfum til að mynda þurft að vera með lögfræðinga í dómsal í Reykjavík, okkur var ekki gert kleift að verjast héðan frá Akureyri. Við urðum að ráða okkur lögfræðinga í Reykjavík til að koma við okkar vörnum og það kostar sitt. Niðurstaðan er sú að sá kostnaður fellur á okkur sem og kostnaður við að spila leikinn upp á nýtt. Og að okkar mati er málið ekki búið ennþá,“ segir Sævar. Spurning hvaða fordæmi þetta gefur Akureyringar sendu frá sér kjarnyrta yfirlýsingu í gær þar sem þeir gerðu grein fyrir sínu máli. Sævar óttast mjög fordæmið sem dómurinn gefur. „Það sem okkur finnst standa upp úr í þessum dómi er að áfrýjunardómstóllinn telji sig hafa þetta vald til að endurmeta ákvarðanir varðandi leikinn eða framkvæmd leiksins. Þetta höfum við ekki séð áður og það er spurning hvaða fordæmi þetta gefur fyrir leikinn sem við erum að spila. Ef að einhverjar ákvarðanir í leiknum eru andstætt leikreglum eða því hvernig framkvæmd leiksins á að vera, er þá alltaf hægt að breyta úrslitum í leikjum, sama hvernig þeir fara? Þarna er verið að gefa fordæmi fyrir því. Auk þess er það ekki svo í þessum dómi eins og þekkst hefur, þegar dómstóll hefur komist að þeirri niðurstöðu að mistök hafi orðið við framkvæmd leiks, að leikur sé hafinn frá þeim tímapunkti þegar mistökin voru gerð. Þess í stað á að endurtaka leikinn. Við höfum dæmi frá því þegar FH var í Evrópukeppni og þurfti að fara sérferð til að spila vítakastkeppni. Þá var ekki úrskurðað um það að allur leikurinn þyrfti að fara fram að nýju. Við vitum að mistökin í þessum leik KA/Þórs og Stjörnunnar voru gerð í stöðunni 17-12.“ KA Þór Akureyri Olís-deild kvenna Stjarnan Mest lesið „Til skammar að koma úr atvinnumennsku eins og hann er að koma“ Íslenski boltinn Lést í fyrsta bardaga sínum Sport Telja að hann hafi sent tvíburabróðurinn til Rúmeníu í sinn stað Fótbolti KA dæmt til að greiða Arnari tæpar ellefu milljónir Íslenski boltinn Fernandes íhugar að stökkva frá borði Enski boltinn Var með 0,99 í xG en skoraði samt ekki Enski boltinn Guardiola: Arsenal verður meistari ef við vinnum ekki Tottenham Enski boltinn Svona verður oddaleikjaveislan á Stöð 2 Sport í kvöld Körfubolti „Ef KR-ingar vita að Óskar sé til í að koma, skiptir einhverju máli hvað Gregg gerir?“ Íslenski boltinn Oddaleikur Grindavíkur og Keflavíkur í kvöld: Basile og Kane á toppnum Körfubolti Fleiri fréttir Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Sjá meira
Stjarnan kærði úrslit leiks liðanna í febrúar eftir að í ljós kom að eitt marka KA/Þórs hafði verið oftalið í fyrri hálfleik. Liðin skoruðu 26 mörk hvort en mistök á ritaraborði, sem dómarar leiksins áttuðu sig ekki á, urðu til þess að KA/Þór var í fyrstu skráð með sigur, 27-26. Áfrýjunardómstóll HSÍ birti í gær úrskurð sinn þess efnis að liðin skyldu mætast að nýju, í venjulegum 60 mínútna leik þrátt fyrir að mistökin hafi orðið í stöðunni 17-12 fyrir KA/Þór. Sævar segir kostnað KA/Þórs vegna málsins farinn að slaga upp í eina milljón króna nú þegar skikka eigi Akureyringa til að ferðast aftur í Garðabæinn. Málinu sé hins vegar síður en svo lokið. Leikurinn hefur afar mikla þýðingu en KA/Þór á möguleika á að verða deildarmeistari í handbolta í fyrsta sinn. Liðið er efst þegar aðeins tvær umferðir eru eftir af Olís-deildinni en aðeins stigi á undan Fram og mætast liðin í lokaumferðinni. Ákveðið hefur verið að næstsíðasta umferð fari fram 1. maí og lokaumferðin 8. maí. Telur engar líkur á að leikurinn fari fram áður en deildakeppni á að ljúka Sævar segir HSÍ vilja að leikurinn fari fram 27. eða 28. apríl en telur mjög litlar líkur á að af því verði. Því er mikil óvissa um lok Olís-deildar kvenna og úrslitakeppnina. „Ég tel engar líkur á því að þessi leikur verði spilaður fyrir 1. maí, þegar næstsíðasta umferðin á að fara fram í deildinni. Ég held að málinu verði ekki lokið fyrir þann tíma, ef að við förum með það til ÍSÍ eða fyrir almenna dómstóla. Á meðan að málið er í ferli í íþróttahreyfingunni á ég ekki von á því að leikurinn verði spilaður,“ segir Sævar. Áfrýjunardómstóll ÍSÍ eða almennir dómstólar Vísir ræddi við Sævar í gær og sagði hann Akureyringa þá enn vera að átta sig á dómnum og þýðingu hans. Nú sé til skoðunar að fara með málið til áfrýjunardómstóls Íþrótta- og ólympíusambands Íslands, eða jafnvel fyrir almenna dómstóla: „Við erum að meta hvar við stöndum varðandi að fara með málið fyrir áfrýjunardómstól ÍSÍ. Svo er ekkert launungarmál að við höfum aðeins skoðað að fara með málið fyrir almenna dómstóla, því við verðum fyrir kostnaði sem við teljum algjörlega út í hött. Áfrýjunardómstóll HSÍ skuldbindur okkur nefnilega til að mæta á okkar eigin kostnað í endurtekinn leik, þó að við eigum enga sök að máli. Við berum enga ábyrgð en fáum allan kostnaðinn dæmdan á okkur,“ segir Sævar. Sævar segir að hugsanlegri kæru yrði beint til bæði Stjörnunnar og HSÍ. „Við viljum skoða hvort að það hafi skapast skaðabótaskylda með því hvernig staðið hefur verið að öllu þessu máli, bæði varðandi framkvæmd leiksins og svo á fyrra stigi áfrýjunardómstóls þegar við vorum ekki boðuð,“ segir Sævar. KA/Þór var ekki upplýst með fullnægjandi hætti um að málinu hefði verið áfrýjað, eftir að dómstóll HSÍ hafði í fyrstu vísað málinu frá, og var málið því tekið fyrir tvisvar hjá áfrýjunardómstóli. Kostnaðurinn slagar upp í eina milljón króna Sævar segir HSÍ ekki hafa boðist til að greiða kostnað KA/Þórs við annað ferðalag til Garðabæjar, ferðalag sem Akureyringar hafa auk þess engan áhuga á að fara í. „Nei. Það var ein af kröfum okkar að dómstóllinn myndi úrskurða um hvar kostnaðurinn við málið félli og niðurstaðan var sú að hann skyldi niður falla en að við skyldum mæta í leikinn upp á nýtt, frá Akureyri í Garðabæ. Dómstóllinn taldi sig ekki hafa heimild til að úrskurða um hvort að HSÍ eða Stjarnan ætti að taka þátt í kostnaði við það. Niðurstaða hans er að okkur beri að mæta í leikinn með öllum þeim kostnaði sem því fylgir fyrir okkur. Ferðakostnaðurinn einn og sér, það má áætla að hann sé á milli 200-300 þúsund krónur. Þetta mál hefur hingað til, með lögfræðikostnaði og öðru, kostað okkur á bilinu 800 þúsund upp í eina milljón. Við höfum til að mynda þurft að vera með lögfræðinga í dómsal í Reykjavík, okkur var ekki gert kleift að verjast héðan frá Akureyri. Við urðum að ráða okkur lögfræðinga í Reykjavík til að koma við okkar vörnum og það kostar sitt. Niðurstaðan er sú að sá kostnaður fellur á okkur sem og kostnaður við að spila leikinn upp á nýtt. Og að okkar mati er málið ekki búið ennþá,“ segir Sævar. Spurning hvaða fordæmi þetta gefur Akureyringar sendu frá sér kjarnyrta yfirlýsingu í gær þar sem þeir gerðu grein fyrir sínu máli. Sævar óttast mjög fordæmið sem dómurinn gefur. „Það sem okkur finnst standa upp úr í þessum dómi er að áfrýjunardómstóllinn telji sig hafa þetta vald til að endurmeta ákvarðanir varðandi leikinn eða framkvæmd leiksins. Þetta höfum við ekki séð áður og það er spurning hvaða fordæmi þetta gefur fyrir leikinn sem við erum að spila. Ef að einhverjar ákvarðanir í leiknum eru andstætt leikreglum eða því hvernig framkvæmd leiksins á að vera, er þá alltaf hægt að breyta úrslitum í leikjum, sama hvernig þeir fara? Þarna er verið að gefa fordæmi fyrir því. Auk þess er það ekki svo í þessum dómi eins og þekkst hefur, þegar dómstóll hefur komist að þeirri niðurstöðu að mistök hafi orðið við framkvæmd leiks, að leikur sé hafinn frá þeim tímapunkti þegar mistökin voru gerð. Þess í stað á að endurtaka leikinn. Við höfum dæmi frá því þegar FH var í Evrópukeppni og þurfti að fara sérferð til að spila vítakastkeppni. Þá var ekki úrskurðað um það að allur leikurinn þyrfti að fara fram að nýju. Við vitum að mistökin í þessum leik KA/Þórs og Stjörnunnar voru gerð í stöðunni 17-12.“
KA Þór Akureyri Olís-deild kvenna Stjarnan Mest lesið „Til skammar að koma úr atvinnumennsku eins og hann er að koma“ Íslenski boltinn Lést í fyrsta bardaga sínum Sport Telja að hann hafi sent tvíburabróðurinn til Rúmeníu í sinn stað Fótbolti KA dæmt til að greiða Arnari tæpar ellefu milljónir Íslenski boltinn Fernandes íhugar að stökkva frá borði Enski boltinn Var með 0,99 í xG en skoraði samt ekki Enski boltinn Guardiola: Arsenal verður meistari ef við vinnum ekki Tottenham Enski boltinn Svona verður oddaleikjaveislan á Stöð 2 Sport í kvöld Körfubolti „Ef KR-ingar vita að Óskar sé til í að koma, skiptir einhverju máli hvað Gregg gerir?“ Íslenski boltinn Oddaleikur Grindavíkur og Keflavíkur í kvöld: Basile og Kane á toppnum Körfubolti Fleiri fréttir Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Sjá meira
„Ef KR-ingar vita að Óskar sé til í að koma, skiptir einhverju máli hvað Gregg gerir?“ Íslenski boltinn
„Ef KR-ingar vita að Óskar sé til í að koma, skiptir einhverju máli hvað Gregg gerir?“ Íslenski boltinn