Innlent

Réðst á starfsmann veitingahúss

Sunna Kristín Hilmarsdóttir skrifar
Lögregla handtók manninn sem grunaður er um að hafa ráðist á starfsmann veitingahúss í miðbæ Reykjavíkur.
Lögregla handtók manninn sem grunaður er um að hafa ráðist á starfsmann veitingahúss í miðbæ Reykjavíkur. Vísir/Vilhelm

Laust eftir klukkan hálfníu í gærkvöldi barst lögreglunni á höfuðborgarsvæðinu tilkynning um líkamsárás á veitingahúsi í miðbæ Reykjavíkur.

Að því er segir í dagbók lögreglu veittist maður í annarlegu ástandi að starfsmanni á veitingastaðnum. Manninum hafði ítrekað verið vísað út af staðnum vegna brota á sóttvarnalögum og hafði hann síðan ráðist á starfsmann staðarins með höggum og spörkum.

Maðurinn var í tökum þegar lögregla kom á vettvang og handtók hann. Þegar hann var fluttur á lögreglustöðina hótaði hann lögreglumönnum lífláti og sparkaði í einn lögreglumann. Var maðurinn vistaður í fangageymslu en við vistun fundust ætluð fíkniefni á honum.

Þá fór lögreglan í eftirför á Vesturlandsvegi við Árbæinn skömmu fyrir klukkan þrjú í nótt. Bíllinn sem lögregla elti var ekki á númerum og ökumaðurinn sinnti ekki stöðvunarmerkjum.

Stuttu síðar stöðvaði bíllinn og fór ökumaðurinn þá í aftursætið. Par var í bílnum og voru þau bæði handtekin grunuð um akstur undir áhrifum fíkniefna og akstur svipt ökuréttindum.

Um klukkan sex í gærkvöldi var síðan maður í annarlegu ástandi handtekinn í Vesturbænum grunaður um líkamsárás og þjófnað.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið