„And­stæðingarnir eru engir ný­græðingar“

„Þetta var lokað í fyrri hálfleik. Við fengum eitt færi í fyrri hálfleik og þetta var lokaður leikur. Við vissum að Armenarnir eru mjög agressívir og mjög viljugir í sínum hlaupum og við töluðum um það fyrir leikinn. Þeir eru með sjálfstraust og hafa unnið marga leiki. Þeir hafa spilað vel. Það lið sem myndi ná að skapa sér eða skora fyrsta markið myndi fara með þrjú stigin úr leiknum.“

„Við erum í þessum mars glugga í þremur útileikjum. Fyrstu tveir leikirnir voru mjög erfiðir útivellir og við getum ekki vanmetið neinn en við erum að stilla upp því liði sem á bestan möguleika á að vinna í dag. Ég er ekki að hugsa um eitthvað sem mun gerast í haust eða í sumar.“

Arnar var næst spurður út í breytingarnar sem hann gerði á liðinu frá síðasta leik. Alfons Sampsted og Arnór Ingvi Traustason fengu sér meðal annars sæti á bekknum og Birkir Már Sævarsson kom til að mynda inn í liðið.

„Í dag voru þetta bestu ellefu einstaklingarnir til að mynda liðsheild og mynda það spil sem við vildum ná upp í dag en við gerum okkur grein fyrir því að við þurfum að gera betur. Við þurfum að skapa okkur fleiri færi og finna smá hungur aftur í að ná úrslitum aftur. Við þurfum að vera aðeins viljugri.“

„Leikmennirnir og liðið sem er að spila hér í kvöld hafa mikla hæfileika og hafa sýnt það. Þeir geta náð mjög úrslitum á erfiðum útivöllum gegn góðum liðum. Við þurfum að átta okkur á því að andstæðingarnir eru nýgræðingar. Það er mjög auðvelt að horfa á FIfA listann og horfa á að Ísland á að vinna Armeníu létt. Við ætluðum okkur og vildum vinna á útivelli og hefði það tekist, hefði það verið mjög sterkt.“

„Knattspyrnan í Evrópu er orðin mjög jöfn. Það hefur ekkert með það að gera að við erum ekki eins góðir og við vorum. Við þurfum að finna rétta tempóið, finna réttu sendinguna og finna rétta hungrið til þess að vinna, ekki bara fyrsta heldur annan og þriðja boltann. Armenarnir voru sterkari þar, ekki að öðru mörgu leyti.“

Ísland er þar af leiðandi með núll stig án eftir fyrstu tvo leikina og það gerir stöðu liðsins verri.

„Að sjálfsögðu veikir þetta möguleika okkar. Við vildum taka eitt eða þrjú stig. Til að ná öðru sætinu má reikna með að þú getur tapið tveimur útileikjum en riðillinn er mjög jafn. Þjóðverjarnir eru með lang, lang besta liðið og svo eru nokkur lið þar á eftir sem eru mjög jöfn. Það eina sem við þurfum að gera núna er að leikgreina þennan leik.“

„Við getum gert betur og verðum að vilja gera betur. Við þurfum að leysa þá hluti sem ekki gengu upp í dag og fara í leikinn eftir þrjá daga með annað hugarfar og ná í þrjú stig þar. Að byrja reikna einhverja lokastöðu í riðlinum er ekki hægt núna. Nú er það að leikgreina, jafna sig og hvíla sig og mæta með jákvætt hugarfar á mánudaginn. Eftir þann leik greinum við mars gluggann og einbeitum okkur að júní.“