Vonar að kröftug við­brögð verði til þess að snúa bylgjuna niður

Þetta kom fram í máli hennar í beinni útsendingu í kvöldfréttum Stöðvar 2 fyrr í kvöld. Þar sagðist hún vona að skjót viðbrögð og harðar aðgerðir geti komið í veg fyrir að bylgjan verði jafn stór og hún gæti orðið.

„Jú, það er einkum þar þar sem þetta kemur fyrst fram. Á Covid-göngudeildinni sinnum við öllu fólki sem greinist með Covid-smit. Það gildir bæði um þá sem greinast á landamærum og sömuleiðis þá sem greinast hér innanlands. Já, vissulega hefur álagið aukist þar.“

Hún segir að fyrir um tíu dögum hafi verið um tíu til tuttugu einstaklingar á göngudeildinni, en nú séu þeir orðnir um níutíu. Einn sjúklingur liggi nú inni á smitsjúkdómadeild og þrír starfsmenn hafi smitast.

Hún segir þá vísbendingar um að fjórða bylgja faraldursins sé hafin.

„En ég treysti nú á það og vona að kröftug viðbrögð sóttvarnayfirvalda og allra landsmanna verði til þess að við náum að snúa hana niður áður en þetta verður að alvöru bylgju,“ segir Anna Sigrún.