Seðlabankinn gaf út í gær að stýrivöxtum bankans yrði haldið óbreyttum í 0,75%.Vísir/Hanna
Síðastliðna tólf mánuði hefur vísitala neysluverðs hækkað um 4,3% og vísitala neysluverðs án húsnæðis um 4,8%.
Ársverðbólga mælist því 4,3% í mars og hækkar um 0,2 prósentustig frá fyrri mánuði. Mælist hún nú jafnmikil og í janúar þegar ársverðbólga hafði ekki verið hærri í sjö ár.
Vísitala neysluverðs, miðuð við verðlag í mars 2021, hækkar um 0,49% frá fyrri mánuði. Vísitala neysluverðs án húsnæðis hækkar um 0,43% frá febrúar 2021.
Þetta kemur fram á vef Hagstofunnar. Reiknuð húsaleiga hækkaði um 0,9% (áhrif á vísitöluna 0,15%) frá fyrri mánuði og bensín og olíur hækkuðu um 4,0% (0,13%).
Fram kom á kynningu peningastefnunefndar Seðlabanka Íslands í gær að verðbólga hafi hjaðnað töluvert hægar en fyrri spár Seðlabankans gerðu ráð fyrir.
Seðlabankinn hafði í fyrri spám reiknað með að verðbólga færi ört lækkandi á fyrstu þremur mánuðum þessa árs en hún er enn 1,8 prósentustigum yfir 2,5% markmiði bankans.
Ársverðbólga mælist 4,1 prósent nú í febrúar og er 0,2 prósentustigum lægri en í janúar þegar hún mældist 4,3 prósent. Verðbólga hafði verið á uppleið frá því í byrjun síðasta árs en í janúar í fyrra var tólf mánaða verðbólga 1,7 prósent.
Ársverðbólga nú í janúar mælist 4,3 prósent samkvæmt útreikningum Hagstofu Íslands, núll komma sjö prósentustigum meiri en hún mældist í desember þegar hún var 3,6 prósent.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
