Fótbolti

Alexandra byrjaði sinn fyrsta leik er Frankfurt bjargaði stigi undir lokin

Runólfur Trausti Þórhallsson skrifar
Alexandra í leik með Eintracht Frankfurt.
Alexandra í leik með Eintracht Frankfurt. Eintracht Frankfurt

Alexandra Jóhannsdóttir byrjaði sinn fyrsta leik í þýsku úrvalsdeildinni er Eintracht Frankfurt gerði 1-1 jafntefli við Meppen í kvöld.

Vivien Endemann kom gestunum yfir þegar rúmur hálftími var liðinn af leiknum og staðan 1-0 gestunum í vil í hálfleik. Alexandra var tekin af velli í hálfleik en það tók Frankfurt sinn tíma að jafna metin.

Jöfnunarmarkið gerði Lara Prasnikar á 83. mínútu og þar við sat, lokatölur 1-1. Svekkjandi úrslit fyrir Frankfurt sem er töluvert ofar í töflunni en Meppen. Alexandra og stöllur hennar sitja nú í 6. sæti með 18 stig að loknum 14 leikjum á meðan Meppen er í 10. sæti með sjö stig.

Fótbolti Þýski boltinn

Mest lesið


Fleiri fréttir

Sjá meira


×

Mest lesið