Heimila samrunann en setja spurningarmerki við yfirráð í Síldarvinnslunni Eiður Þór Árnason skrifar 25. febrúar 2021 17:13 Bæði Huginn og Bergur-Huginn gera út frá Vestmannaeyjum. Vísir/Vilhelm Samkeppniseftirlitið hefur heimilað samruna dótturfélags Síldarvinnslunnar hf. og Bergs ehf. en greint var frá því í október að Bergur-Huginn ehf. hafi fest kaup á útgerðarfélaginu Bergi í Vestmannaeyjum. Niðurstaða Samkeppniseftirlitsins er sú að kaupin leiði ekki til þess að markaðsráðandi staða verði til eða styrkist eða samruninn leiði til þess að samkeppni raskist að öðru leyti með umtalsverðum hætti. Er þar meðal annars horft til þess að hlutdeild Bergs í heildarúthlutun kvóta er óveruleg, að því er fram kemur á vef Samkeppniseftirlitsins. Bergur hefur gert út togarann Berg VE 44 frá árinu 2005 og eru aflaheimildir félagsins 0,36 prósent af heildarkvóta á fiskveiðiárinu 2020-2021 eða sem nemur 1.514 þorskígildistonnum. Rýndu í þétt tengsl félaganna Sem hluti af rannsókn Samkeppniseftirlitsins á samrunanum var upplýsinga og sjónarmiða aflað um stjórnunar-, eignar- og viðskiptatengsl samstæðu Síldarvinnslunnar við Samherja hf. og Gjögur hf. en samanlagt eiga félögin og tengdir aðilar 82 prósent í Síldarvinnslunni. Þá eru þrír af fimm stjórnarmönnum Síldarvinnslunnar skipaðir af eða tengdir þessum aðilum. „Til viðbótar framangreindu eru vísbendingar um þétt stjórnunar- og eignatengsl milli Samherja, Gjögurs og Síldarvinnslunnar sem birtast m.a. í því að einn af stærstu eigendum Gjögurs hefur þar til nýverið gegnt starfi forstjóra Samherja, samhliða því að eiga eignarhlut í Síldarvinnslunni í gegnum eignarhaldsfélag sem jafnframt er í eigu Samherja. Þetta ásamt fleiru gefur til kynna veruleg tengsl á milli stórra hluthafa í Síldarvinnslunni,“ segir í ákvörðun Samkeppniseftirlitsins. Þá hafi samrunaaðilar gert grein fyrir áframhaldandi og viðvarandi viðskiptasambandi við Síldarvinnsluna, Samherja og Gjögur. Tóku ekki endanlega afstöðu „Af hálfu samrunaaðila er byggt á því að Síldarvinnslan muni við kaupin fara ein með yfirráð yfir Bergi, en í þeirri afstöðu felst að samrunaaðilar telja að ekki hafi stofnast til yfirráða stórra eigenda Síldarvinnslunnar yfir fyrirtækinu, sem tilkynna beri Samkeppniseftirlitinu,“ segir í ákvörðun Samkeppniseftirlitsins. Að sögn stofnunarinnar fela áðurnefndar upplýsingar þó í sér vísbendingar um að stofnast hafi til yfirráða í Síldarvinnslunni umfram það sem samrunaaðilar hafi gert grein fyrir. Þrátt fyrir það tekur eftirlitið ekki endanlega afstöðu til þess. Ástæðan fyrir því er að það telur ekki forsendur til íhlutunar í samrunann þótt að komist væri að niðurstöðu um hin mögulegu víðtækari yfirráð. „Í öðru lagi myndi endanleg úrlausn framangreindra yfirráða kalla á víðtækari gagnaöflun og rannsókn sem taka myndi til fleiri aðila. Ekki eru tök á því í þessu máli,“ segir í ákvörðun Samkeppniseftirlitsins. Hyggst stofnunin á síðari stigum taka afstöðu til þess hvort og þá með hvaða hætti beri að rannsaka nánar möguleg yfirráð og eftir atvikum samstarf hlutaðeigandi fyrirtækja. Sameina félögin á ný Fram kemur á vef Síldarvinnslunnar að saga Bergs og Bergs-Hugins sé samofin en stofnendur Bergs komu að stofnun þess síðarnefnda árið 1972. Árið 1983 dróg einn stofnenda sig svo út úr félaginu og hélt áfram útgerð undir merkjum Bergs. Bæði útgerðarfélögin gera út frá Vestmannaeyjum en árið 2012 festi Síldarvinnslan kaup á Bergi-Hugin sem rennur nú saman við Berg á ný. Að sögn Gunnþórs B. Ingvasonar, framkvæmdastjóra Síldarvinnslunnar eru kaupin liður í að styrkja stoðir félagsins í Vestmannaeyjum. Síldarvinnslan stefnir nú á skráningu félagsins í Kauphöll Íslands. Vestmannaeyjar Sjávarútvegur Samkeppnismál Mest lesið Hefur áhyggjur af stöðu Sýnar og boðar fjölmiðla til samráðs Viðskipti innlent Eru Framúrskarandi fyrirtæki og stolt af því Framúrskarandi fyrirtæki Kalla inn kjúklingalæri vegna gruns um salmonellu Neytendur Gengi Sýnar í frjálsu falli Viðskipti innlent Icelandair hleypur í skarðið fyrir Play Viðskipti innlent Nokkrum sagt upp eftir afkomuviðvörun Sýnar Viðskipti innlent Óvenjulegur moli afrakstur sögulegs samstarfs Neytendur Fyrrverandi fréttastjóri til Gímaldsins Viðskipti innlent Erlent flugfélag eitt þriggja sem vill niðurgreiðslu á losun frá íslenska ríkinu Viðskipti innlent Þarf þrautseigju og útsjónarsemi til að ná að halda sjó Framúrskarandi fyrirtæki Fleiri fréttir Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sýn gefur út afkomuviðvörun Hagar högnuðust um 3,7 milljarða króna Brjóti mögulega samkeppnislög með því að tjá sig um dóminn Icelandair hleypur í skarðið fyrir Play ASÍ ítrekar ákall til stjórnvalda um að bregðast við lokun PCC á Bakka Gengi Icelandair hrapar Hærri kostnaður en áætlanir gerðu ráð fyrir Landsbankinn setur lánaumsóknir á ís vegna dómsins Sveitarfélagið og útgerðarmenn byggja nýjan miðbæ á Höfn Skilmálar Arion frábrugðnir en áhrifin væru óveruleg Gera ráð fyrir að fjárhagsleg áhrif muni nema innan við milljarði króna Ballið búið hjá Bankanum bistró Ómögulegt að meta áhrifin á bankana Vextirnir hækkuðu minna en stýrivextir þrátt fyrir ólögmæta skilmála Niðurstaðan sigur fyrir neytendur og lántakendur Skilmálarnir umdeildu ógiltir Vaktin: Dómur kveðinn upp í Vaxtamálinu Kristín Hrefna tekur við sem framkvæmdastjóri Hopp Ríkisstjórnin búin undir báðar niðurstöður Stórir skellir geri ekki boð á undan sér Hlutu risastyrk til að stofna miðstöð um gervigreind Dómur kveðinn upp í Vaxtamálinu á morgun Hagnaður dróst verulega saman en félagið á 850 milljónir Sjá meira
Niðurstaða Samkeppniseftirlitsins er sú að kaupin leiði ekki til þess að markaðsráðandi staða verði til eða styrkist eða samruninn leiði til þess að samkeppni raskist að öðru leyti með umtalsverðum hætti. Er þar meðal annars horft til þess að hlutdeild Bergs í heildarúthlutun kvóta er óveruleg, að því er fram kemur á vef Samkeppniseftirlitsins. Bergur hefur gert út togarann Berg VE 44 frá árinu 2005 og eru aflaheimildir félagsins 0,36 prósent af heildarkvóta á fiskveiðiárinu 2020-2021 eða sem nemur 1.514 þorskígildistonnum. Rýndu í þétt tengsl félaganna Sem hluti af rannsókn Samkeppniseftirlitsins á samrunanum var upplýsinga og sjónarmiða aflað um stjórnunar-, eignar- og viðskiptatengsl samstæðu Síldarvinnslunnar við Samherja hf. og Gjögur hf. en samanlagt eiga félögin og tengdir aðilar 82 prósent í Síldarvinnslunni. Þá eru þrír af fimm stjórnarmönnum Síldarvinnslunnar skipaðir af eða tengdir þessum aðilum. „Til viðbótar framangreindu eru vísbendingar um þétt stjórnunar- og eignatengsl milli Samherja, Gjögurs og Síldarvinnslunnar sem birtast m.a. í því að einn af stærstu eigendum Gjögurs hefur þar til nýverið gegnt starfi forstjóra Samherja, samhliða því að eiga eignarhlut í Síldarvinnslunni í gegnum eignarhaldsfélag sem jafnframt er í eigu Samherja. Þetta ásamt fleiru gefur til kynna veruleg tengsl á milli stórra hluthafa í Síldarvinnslunni,“ segir í ákvörðun Samkeppniseftirlitsins. Þá hafi samrunaaðilar gert grein fyrir áframhaldandi og viðvarandi viðskiptasambandi við Síldarvinnsluna, Samherja og Gjögur. Tóku ekki endanlega afstöðu „Af hálfu samrunaaðila er byggt á því að Síldarvinnslan muni við kaupin fara ein með yfirráð yfir Bergi, en í þeirri afstöðu felst að samrunaaðilar telja að ekki hafi stofnast til yfirráða stórra eigenda Síldarvinnslunnar yfir fyrirtækinu, sem tilkynna beri Samkeppniseftirlitinu,“ segir í ákvörðun Samkeppniseftirlitsins. Að sögn stofnunarinnar fela áðurnefndar upplýsingar þó í sér vísbendingar um að stofnast hafi til yfirráða í Síldarvinnslunni umfram það sem samrunaaðilar hafi gert grein fyrir. Þrátt fyrir það tekur eftirlitið ekki endanlega afstöðu til þess. Ástæðan fyrir því er að það telur ekki forsendur til íhlutunar í samrunann þótt að komist væri að niðurstöðu um hin mögulegu víðtækari yfirráð. „Í öðru lagi myndi endanleg úrlausn framangreindra yfirráða kalla á víðtækari gagnaöflun og rannsókn sem taka myndi til fleiri aðila. Ekki eru tök á því í þessu máli,“ segir í ákvörðun Samkeppniseftirlitsins. Hyggst stofnunin á síðari stigum taka afstöðu til þess hvort og þá með hvaða hætti beri að rannsaka nánar möguleg yfirráð og eftir atvikum samstarf hlutaðeigandi fyrirtækja. Sameina félögin á ný Fram kemur á vef Síldarvinnslunnar að saga Bergs og Bergs-Hugins sé samofin en stofnendur Bergs komu að stofnun þess síðarnefnda árið 1972. Árið 1983 dróg einn stofnenda sig svo út úr félaginu og hélt áfram útgerð undir merkjum Bergs. Bæði útgerðarfélögin gera út frá Vestmannaeyjum en árið 2012 festi Síldarvinnslan kaup á Bergi-Hugin sem rennur nú saman við Berg á ný. Að sögn Gunnþórs B. Ingvasonar, framkvæmdastjóra Síldarvinnslunnar eru kaupin liður í að styrkja stoðir félagsins í Vestmannaeyjum. Síldarvinnslan stefnir nú á skráningu félagsins í Kauphöll Íslands.
Vestmannaeyjar Sjávarútvegur Samkeppnismál Mest lesið Hefur áhyggjur af stöðu Sýnar og boðar fjölmiðla til samráðs Viðskipti innlent Eru Framúrskarandi fyrirtæki og stolt af því Framúrskarandi fyrirtæki Kalla inn kjúklingalæri vegna gruns um salmonellu Neytendur Gengi Sýnar í frjálsu falli Viðskipti innlent Icelandair hleypur í skarðið fyrir Play Viðskipti innlent Nokkrum sagt upp eftir afkomuviðvörun Sýnar Viðskipti innlent Óvenjulegur moli afrakstur sögulegs samstarfs Neytendur Fyrrverandi fréttastjóri til Gímaldsins Viðskipti innlent Erlent flugfélag eitt þriggja sem vill niðurgreiðslu á losun frá íslenska ríkinu Viðskipti innlent Þarf þrautseigju og útsjónarsemi til að ná að halda sjó Framúrskarandi fyrirtæki Fleiri fréttir Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sýn gefur út afkomuviðvörun Hagar högnuðust um 3,7 milljarða króna Brjóti mögulega samkeppnislög með því að tjá sig um dóminn Icelandair hleypur í skarðið fyrir Play ASÍ ítrekar ákall til stjórnvalda um að bregðast við lokun PCC á Bakka Gengi Icelandair hrapar Hærri kostnaður en áætlanir gerðu ráð fyrir Landsbankinn setur lánaumsóknir á ís vegna dómsins Sveitarfélagið og útgerðarmenn byggja nýjan miðbæ á Höfn Skilmálar Arion frábrugðnir en áhrifin væru óveruleg Gera ráð fyrir að fjárhagsleg áhrif muni nema innan við milljarði króna Ballið búið hjá Bankanum bistró Ómögulegt að meta áhrifin á bankana Vextirnir hækkuðu minna en stýrivextir þrátt fyrir ólögmæta skilmála Niðurstaðan sigur fyrir neytendur og lántakendur Skilmálarnir umdeildu ógiltir Vaktin: Dómur kveðinn upp í Vaxtamálinu Kristín Hrefna tekur við sem framkvæmdastjóri Hopp Ríkisstjórnin búin undir báðar niðurstöður Stórir skellir geri ekki boð á undan sér Hlutu risastyrk til að stofna miðstöð um gervigreind Dómur kveðinn upp í Vaxtamálinu á morgun Hagnaður dróst verulega saman en félagið á 850 milljónir Sjá meira
Erlent flugfélag eitt þriggja sem vill niðurgreiðslu á losun frá íslenska ríkinu Viðskipti innlent
Erlent flugfélag eitt þriggja sem vill niðurgreiðslu á losun frá íslenska ríkinu Viðskipti innlent