Viðskipti innlent

Maria Bech nýr fram­kvæmda­stjóri ís­lenska lyfja­fyrir­tækisins Epi­Endo

Eiður Þór Árnason skrifar
Maria Bech hefur mikla reynslu úr lyfjabransanum. 
Maria Bech hefur mikla reynslu úr lyfjabransanum.  EpiEndo

Maria Bech hefur verið ráðin sem framkvæmdastjóra íslenska lyfjaþróunarfyrirtækisins EpiEndo Pharmaceuticals. Sprotafyrirtækið vinnur að því að þróa næstu kynslóð meðferðarúrræða til meðhöndlunar á viðvarandi bólgusjúkdómum og er fyrsta íslenska fyrirtækið sem fer í klínískar rannsóknir með frumlyf.

Þetta kemur fram í tilkynningu frá félaginu en ólíkt samheitalyfjum eru frumlyf fyrsta gerð lyfs með tiltekna verkun. Maria hefur yfir 25 ára reynslu af stjórnun lyfjaþróunar og mun leiða félagið í gegnum klínískar rannsóknir fyrsta lyfja-kanditat EpiEndo sem ber heitið EP395. Vonast fyrirtækið til að það verði „fyrsta sjúkdóms-breytandi, þekju-styrkjandi og bólgueyðandi lyfið gegn langvinnri lungnateppu.“

Maria hefur verið þróunarstjóri EpiEndo síðan síðla árs 2019 og haft umsjón með klínískri þróunarstefnu félagsins og stýrt undirbúningi að fyrstu klínísku rannsókn fyrirtækisins sem hefst í byrjun mars á þessu ári. Er meðferðarúrræðum EpiEndo ætlað að takast á við undirliggjandi orsök bólgusjúkdóma.

„EpiEndo er að þróa sér nýja flokk [sic] lyfja í formi töflu til inntöku sem breytir framgangi sjúkdóma, til að takast á við gífurlega byrði langvarandi öndunarfærasjúkdóma og annara bólgusjúkdóma sem eru án meðferðarúrræðis,“ segir í tilkynningu.

Hefur komið að þróun fjölbreyttra tegunda lyfja

Síðustu ár hefur Maria verið vísindastjóri hjá Smartfish AS og þar á undan var hún forstöðumaður klínískrar þróunar og aðal verkefnastjóri hjá Karo Bio AB. Auk þessu hefur hún yfir þrettán ára reynslu af því að leiða klínískar rannsóknir og stýra verkefnum hjá AstraZeneca og Pharmacia & Upjohn. Hún situr einnig í stjórnum Iconovo AB, Paxman AB, EQL Pharma AB og Neuronano AB.

Maria Bech er með MSc í sameindalíffræði frá Háskólanum í Lund og hefur komið að þróun lyfja fyrir efnaskiptasjúkdóma, miðtaugakerfissjúkdóma, krabbameins, barnasjúkdóma og innkirtlasjúkdóma, að því er fram kemur í tilkynningu.

„Við hlökkum til að vinna náið með Mariu, sem hefur mikla reynslu af stjórnun innan stórra lyfjaþróunarfyrirtækja sem og hávaxtar líftæknifyrirtækja, og djúp þekking Mariu á klínískri þróun mun verða mikill akkur fyrir EpiEndo þegar þróun okkar færist á klínískt stig,“ er haft eftir Clive Page OBE, stjórnarformanni EpiEndo.

Maria er þakklát fyrir tækifærið og segir að það séu spennandi tímar framundan hjá fyrirtækinu.

„Ég tel okkar hafi [sic] raunhæfa möguleika á breyta framgangi sjúkdóma eins og langvinnri lungnateppu og við hlökkum til að útvíkka nálgun okkar á þekjuheilbrigði og þróun þekjustyrkjandi lyfja út fyrir öndunarveginn,“ segir hún í tilkynningu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,79
12
363.557
EIK
1,51
4
60.450
VIS
1,23
4
117.228
REGINN
1,22
3
41.950
SJOVA
1,08
8
73.387

Mesta lækkun dagsins


Félag
Br.%
Fjöldi
Velta*
ICEAIR
-2,8
21
82.182
ARION
-2
33
756.847
MAREL
-0,45
4
712
EIM
-0,35
1
16.877
HAGA
0
3
293.750
Velkomin á Vísi. Þessi vefur notar vafrakökur. Sjá nánar.