Viðskipti erlent

Olíusjóði Noregs verður beitt til að fjölga konum í stjórnum fyrirtækja

Samúel Karl Ólason skrifar
Olíusjóðurinn var stofnaður árið 1996 og er að mestu fjármagnaðar með olíusölu.
Olíusjóðurinn var stofnaður árið 1996 og er að mestu fjármagnaðar með olíusölu. EPA/HAKON MOSVOLD LARSEN

Forsvarsmenn norska olíusjóðsins ætla að beita sér fyrir því að fleiri konur fái sæti í stjórnum fyrirtækja og félaga sem sjóðurinn hefur fjárfest í. Sjóðurinn er einn sá stærsti í heiminum og á 9.202 fyrirtækjum um heiminn allan

Sjóðurinn mun einnig takmarka fjárfestingar sínar í félögum þar sem stjórnir eru ekki skipaðar nægilega mörgum konum og er viðmiðið sett við minnst þrjátíu prósent.

Í samtali við Reuters segir Nicolai Tangen, framkvæmdastjóri sjóðsins að stjórn sjóðsins orði kröfuna kurteisislega en það sé nokkuð ljóst hvað stjórninni finnist í þessum málum.

Fréttaveitan segir norska olíusjóðinn eiga um eitt og hálft prósent allra hlutabréfa heimsins. Samkvæmt upplýsingum á síðu sjóðsins er hann nú rúmlega ellefu billjóna norskra króna virði (11.000.000.000.000 nok).

Gróflega reiknað samsvarar það tæplega 170 billjónum íslenskra króna.

Sjóðurinn var stofnaður árið 1996 og hefur hann að mestu verið byggður upp af olíuauði Noregs. Í lok október 2019 varð sjóðurinn tíu billjóna virði.

Sjá einnig: 10.000.000.000.000 norskar krónur nú í norska olíusjóðnum

Forsvarsmenn annarra sambærilegra sjóða hafa sömuleiðis lagt fram ráðleggingar um fjölbreyttari stjórnir félaga en fáir hafa sett föst viðmið eins og Norðmenn hafa gert.

Einn af forsvarsmönnum sjóðsins, Carine Smith Ihenacho, sagði í samtali við Reuters að fjölbreytileiki í stjórnum væri betri, því með honum fengist víðtækari reynsla og fleiri sjónarhorn. Þar að auki væri skortur á fjölbreytni í stjórnum mögulega til marks um að fyrirtæki eigi í vandræðum með að laða besta fólkið til starfa.

Í frétt E24.no er vitnað í minnisblað frá stjórn olíusjóðsins þar sem fram kemur að ekki hafi fundist bein tengsl á milli fjölbreytni stjórna annars vegar og afkomu hins vegar. Reynslan sýni hins vegar að fjölbreytni sé af hinu jákvæða.

Olíusjóðurinn greiddi atkvæði gegn stjórnum sextán stórra félaga í Bandaríkjunum og Evrópu, vegna þess að þar sátu einungis karlmenn. Eitt þeirra félaga var, samkvæmt Reuters, Dominos Pizza í London. Síðan þá hafa tvær konur verið kjörnar í stjórn félagsins.

Líklegt er að slíkum atkvæðum muni fjölga á þessu ári en sjóðurinn mun ekki standa gegn stjórnum sem ná ekki umræddum viðmiðum en hafi lagt fram áætlanir um að bæta þar úr.

Smith Ihenacho segir að sjóðurinn muni í fyrstu beina sjónum sínum að fyrirtækjum og félögum í Bandaríkjunum og Evrópu. Hún nefndi engin tiltekin félög en samkvæmt Reuters koma Aston Martin í Bretlandi og Copart í Bandaríkjunum til greina.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
2,88
84
1.509.460
LEQ
1,07
3
1.561
EIK
1,02
9
162.021
ORIGO
0,87
6
8.077
MAREL
0,79
42
399.998

Mesta lækkun dagsins


Félag
Br.%
Fjöldi
Velta*
REGINN
-2,53
5
5.773
BRIM
-2,18
11
121.698
REITIR
-1,2
9
30.241
EIM
-1,01
11
119.722
SKEL
-0,94
2
5.998
Velkomin á Vísi. Þessi vefur notar vafrakökur. Sjá nánar.