Viðskipti innlent

Loka Vín­búðinni í Borgar­túni

Atli Ísleifsson skrifar
Vínbúðin í Borgartúni í Reykjavík.
Vínbúðin í Borgartúni í Reykjavík. ÁTVR

Vínbúðinni í Borgartúni verður lokað frá og með mánudeginum 22. febrúar og rekstri hætt í núverandi húsnæði.

Frá þessu segir á vef ÁTVR en fyrirtækið auglýsti eftir húsnæði á svæðinu seinni hluta árs 2020 og buðu, meðal annarra, núverandi leigusalar húsnæðið áfram til leigu. 

„Hins vegar náðust ekki samningar og sú ákvörðun því tekin nú að loka Vínbúðinni. ÁTVR harmar þessa niðurstöðu en því miður eru ekki aðrir valkostir að svo stöddu.

Við biðjum viðskiptavini okkar afsökunar á þeim óþægindum sem lokunin hefur í för með sér en bendum á að næstu Vínbúðir eru í Kringlunni, Skeifunni og Skútuvogi,“ segir í tilkynningunni.

Sigrún Ósk Sigurðardóttir, aðstoðarforstjóri ÁTVR, segir í samtali við Vísi að til lengri tíma sé þó stefnan sú hjá ÁTVR að vera með verslun á umræddu svæði. Engar ákvarðanir hafa þó verið teknar um framhaldið að svo stöddu.

Verslun Reykjavík Áfengi og tóbak


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið