Viðskipti erlent

Musk býður 100 milljónir dala fyrir lausn á mengunar­vandanum

Hallgerður Kolbrún E. Jónsdóttir skrifar
Elon Musk ætlar að gefa keppninni 100 milljónir dala sem verða notaðir sem verðlaunafé og styrkir. 
Elon Musk ætlar að gefa keppninni 100 milljónir dala sem verða notaðir sem verðlaunafé og styrkir.  AP/Hannibal Hanschke

Auðjöfurinn Elon Musk býður hundrað milljónir dala, eða um 12,9 milljarða króna, sem verðlaunafé í alþjóðlegri keppni sem leitast eftir því að finna leiðir til þess að draga úr koltvíoxíðmengun í andrúmsloftinu.

Musk, sem er stofnandi SpaceX, tilkynnti fyrst um verðlaunaféð á Twitter í janúar og greindi frá því að frekari upplýsingar um keppnina yrðu kynntar seinna á árinu.

Keppendur eiga að hanna og framleiða kerfi sem draga úr koltvíoxíðmengun í andrúmslofti jarðar og segir Musk að keppnin snúist ekki um neinar kenningar. Keppendur eigi að hanna kerfi sem hafi raunveruleg áhrif.

Reglur keppninnar, sem haldin er af XPrize, verða tilkynntar 22. apríl næstkomandi og mun keppnin vara í fjögur ár, til ársins 2025.

Þegar átján mánuðir eru liðnir af keppninni verða 15 bestu keppendurnir fá einnar milljónar dala styrk og 25 200 þúsund dala skólastyrkir verða úthlutaðir stúdentum sem taka þátt í keppninni.

Sigurvegari keppninnar mun fá 50 milljóna dala verðlaunafé, sá sem lendir í öðru sæti fær 20 milljónir dala og sá í þriðja fær 10 milljónir dala. Til þess að sigra keppnina verða keppendur að búa til og kynna lausn sem dregur úr koltvíoxíðmengun í andrúmsloftinu eða hafinu og gera það á umhverfisvænan hátt.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
2,46
27
321.952
FESTI
0
5
63.908

Mesta lækkun dagsins


Félag
Br.%
Fjöldi
Velta*
ICEAIR
-4,73
94
456.960
EIM
-3,21
17
602.240
MAREL
-3,1
44
328.901
REITIR
-2,96
15
105.484
KVIKA
-2,9
59
1.048.345
Velkomin á Vísi. Þessi vefur notar vafrakökur. Sjá nánar.