Handbolti

Al­gerir yfir­burðir Barcelona

Runólfur Trausti Þórhallsson skrifar
Aron skoraði tvö mörk í dag.
Aron skoraði tvö mörk í dag. EPA-EFE/FRIEDEMANN VOGEL

Aron Pálmarsson og félagar í Barcelona eru enn með fullt hús stiga í spænsku úrvalsdeildinni í handbolta eftir stórsigur dagsins. Að þessu sinni var það Anaitasuna sem lá í valnum, lokatölur 40-23.

Leikurinn var líkt og aðrir leikir Barcelona í deildinni, frekar óspennandi. Liðið var einfaldlega langtum betra en gestirnir í dag. Leikurinn var svo gott sem búinn í hálfleik, staðan þá 23-12.

Þó Börsungar hafi slakað á eftir hlé og skorað „aðeins“ 17 mörk þá tókst gestunum ekki að skora fleiri mörk en þeir höfðu gert í fyrri hálfleik. Lokatölur því 40-23 og sautján marka sigur Börsunga staðreynd. Þeirra átjándi sigur í deildinni í átján leikjum.

Aron Pálmarsson skoraði tvö mörk í liði Barcelona en Aleix Gómez Abelló var markahæstur með átta mörk, í aðeins átta skotum.

Börsungar eru með átta stiga forskot á Bidosa Irun sem er í öðru sæti deildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.