Innlent

Lína Móey bíður eftir að heyra frá John Snorra

Kolbeinn Tumi Daðason skrifar
John Snorri og Lína Móey þegar hann kom til landsins árið 2017 eftir að hafa toppað K2 að sumarlagi.
John Snorri og Lína Móey þegar hann kom til landsins árið 2017 eftir að hafa toppað K2 að sumarlagi. Lífsspor K2

Lína Móey Bjarnadóttir, eiginkona Johns Snorra Sigurjónssonar fjallagarps, hefur sagt vinum fjölskyldunnar frá nýjustu tíðindum sem hún hafi af eiginmanni sínum sem stefnir ótrauður á topp K2. Hún segist hafa ákveðið að setja upplýsingar inn á Facebook til að hughreysta fólk eins og sjálfa sig enda margir áhyggjufullir.

Áhyggjurnar eru ekki að ástæðulausu. K2 er talið eitt hættulegasta fjall heims og var toppað í fyrsta skipti að vetrarlagi á dögunum. Það var markmið Johns Snorra að verða fyrstur á toppinn en takist honum afrekið verður hann á meðal þeirra fyrstu. Hann hefur áður toppað fjallið að sumarlagi.

Greint var frá því fyrr í dag að búlgarskur fjallgöngumaður hefði farist í fjallinu í dag eftir að hafa hrapað. Hann er annar maðurinn sem ferst í göngu á K2 á undanförnum vikukm. Atanas Skatov, 42 ára, var að skipta um reipi þegar hann hrapaði á leið niður í grunnbúðir.

UPDATE from Haris "Sajid is back in camp 3 his oxygen regulator was not working he came back from bottle neck. They...

Posted by Lína Móey on Friday, February 5, 2021

Lína Móey sagðist í Facebook-færslu um hádegisbil að einn göngufélaga Johns Snorra væri kominn aftur niður í grunnbúðir þrjú vegna þess að vandræði hefðu komið upp með súrefniskúta hans. 

Að hans sögn hefðu John Snorri og göngufélagar hans Ali og J Pablo frá Chile verið staðsettir í „Bottleneck“, algengustu leiðinni á topp K2, um klukkan sjö að íslenskum tíma í morgun. Þeirra plan hafi verið að dvelja í grunnbúðum fjögur eftir að hafa toppað fjallið.

Lína Móey ræddi við klifurfélaga Johns Snorra sem býr í Ástralíu. Hann sagðist telja að John Snorri muni hafa samband um leið og hann telji sig úr hættu. Þangað til verði hann að einbeita sér að göngunni og öryggi sínu. Þá verði að hafa í huga að rafhlöður endist skemur í miklum kulda sem sé í fjallinu að vetrarlagi.

Klukkan í Pakistan er fimm tímum á undan íslenskum tíma. Því er klukkan nú vel farin að ganga níu að kvöldi til.


Tengdar fréttir

John Snorri lagður af stað á toppinn

John Snorri Sigurjónsson hefur lagt af stað á toppinn á fjallinu K2 ásamt föruneyti sínu, feðgunum Ali og Sajid. Frá þessu er greint á Facebook-síðu Johns Snorra í kvöld.

Lofar konunni sinni að koma heim

Fjallgöngugarpurinn John Snorri Sigurjónsson segist hafa gefið eiginkonu sinni loforð um að koma heim úr svaðilför sinni. Hann ætlar að taka ákvarðanir sínar í klifrinu út frá því. Það drífur hann áfram að sjá íslenska fánann á toppi K2.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.