Handbolti

Tomas Svensson segir að læknir íslenska liðsins hafi ekki fengið að skoða Aron

Óskar Ófeigur Jónsson skrifar
Aron Pálmarsson er ekki með íslenska landsliðinu á HM í Egyptalandi.
Aron Pálmarsson er ekki með íslenska landsliðinu á HM í Egyptalandi. EPA/Ali Haider

Aron Pálmarsson er ekki með íslenska landsliðinu á heimsmeistaramótinu í Egyptalandi en aðstoðarmaður Guðmundur Guðmundssonar setur spurningarmerki við meiðsli landsliðsfyrirliðans í viðtali við sænskan blaðamann.

Tomas Svensson, markmannsþjálfari íslenska landsliðsins og aðstoðarmaður Guðmundar Guðmundssonar, sagði sænskum blaðamanni frá dularfullum kringumstæðum í kringum það þegar Aron Pálmarsson var afskrifaður frá heimsmeistaramótinu.

Samkvæmt Svensson þá fékk læknir íslenska liðsins ekki að skoða Aron Pálmarsson til að meta meiðslin sem halda honum frá heimsmeistaramótinu.

Sænski blaðamaðurinn Johan Flinck á Aftonbladet sagði frá þessu á Twitter eins og sjá má hér fyrir neðan.

Þetta passar ekki við það sem Handknattleikssambandið gaf út þegar tilkynnt var um forföll Arons Pálmarssonar 2. janúar síðastliðinn.

„Aron Pálmarsson, landsliðsfyrirliði, hefur þurft að draga sig út úr hópnum vegna meiðsla á hné. Eftir læknisskoðun hjá læknum landsliðsins er það ljóst að Aron verður ekki leikfær nú í janúar,“ sagði í fréttinni á heimasíðu HSÍ.

Sú tilkynning kom aðeins nokkrum dögum eftir að Aron hafði spilað tvo leiki á tveimur dögum með Barcelona á úrslitahelgi Meistaradeildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.