Erlent

Hvatti stuðnings­menn sína til að sýna stillingu

Atli Ísleifsson skrifar
Ræða Trumps birtist skömmu eftir að fulltrúadeild Bandaríkjaþings samþykkti að ákæra Trump fyrir að hvetja til árásarinnar á þinghúsið en forsetinn vék ekki orði að því í ræðu sinni.
Ræða Trumps birtist skömmu eftir að fulltrúadeild Bandaríkjaþings samþykkti að ákæra Trump fyrir að hvetja til árásarinnar á þinghúsið en forsetinn vék ekki orði að því í ræðu sinni. EPA/ Jim Lo Scalzo

Donald Trump Bandaríkjaforseti birti í gær sjónvarpsávarp þar sem hann hvatti stuðningsmenn sína til þess að sýna stillingu og grípa ekki til ofbeldis í aðdraganda embættistöku Joes Biden í næstu viku.

Í ávarpinu fordæmdi hann þá sem réðust inn í þinghúsið í höfuðborginni Washington og sagði þá ekki eiga heima í hópi stuðningsmanna sinna. Nú þurfi menn að sýna stillingu og ná samtali á milli fylkinga í stað ofbeldisverka.

Forsetinn fráfarandi segir að þeir sem fremstir fóru í flokki muni svara til saka fyrir gjörðir sínar, en fimm létu lífið í átökunum, þar á meðal lögreglumaður.

Trump sagði árásina ganga þvert gegn öllu því sem hann standi fyrir og því hafi árásarmennirnir ekki verið raunverulegir stuðningsmenn hreyfingarinnar, eins og hann orðaði það.

Ræða Trumps birtist skömmu eftir að fulltrúadeildin samþykkti að ákæra Trump fyrir að hvetja til árásarinnar á þinghúsið en forsetinn vék ekki orði að því í ræðu sinni.

Bandaríkin Donald Trump Forsetakosningar í Bandaríkjunum Árás á bandaríska þinghúsið
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið