Innlent

Bóluefni Moderna komið til landsins

Sunna Kristín Hilmarsdóttir skrifar
Fyrirtækið Distica sér um dreifingu bóluefnisins hér á landi. Það kom í húsnæði Distica í morgun og rúmast allir skammtarnir í þessum kassa.
Fyrirtækið Distica sér um dreifingu bóluefnisins hér á landi. Það kom í húsnæði Distica í morgun og rúmast allir skammtarnir í þessum kassa. Vísir/Sigurjón

Bóluefni Moderna gegn Covid-19 er komið til landsins. Um er að ræða 1200 skammta af efninu sem verða notaðir til þess að ljúka bólusetningu einstaklinga í framlínu. Í kjölfarið munu svo berast 1200 skammtar af bóluefninu á tveggja vikna fresti.

Um er að ræða framlínustarfsmenn sem hafa veriðað kalla eftir því undanfarið að fá bólusetningu. Þetta eru sjúkraflutningamenn, lögreglumenn og starfsfólk í farsóttarhúsum en allt eru þetta starfsstéttir sem eru í miklu návígi við sýkta einstaklinga. Bólusetningin hefst á morgun.

Fram kom í máli Þórólfs Guðnasonar sóttvarnalæknis á upplýsingafundi í gær að til viðbótar skömmtum Moderna væri von á á 3.000 skömmtum af bóluefninu frá Pfizer í næstu viku og 2.000 skömmtum eftir tvær vikur. Þessir skammtar yrðu notaðir til að bólusetja eldri einstaklinga.

Þá stæðu vonir til að bóluefni AstraZeneca yrði samþykkt í lok mánaðarins og bóluefnið frá Janssen í kjölfarið. Í framhaldinu kæmu svo upplýsingar um afhendingaráætlun.

Bólusetningar Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið