Fótbolti

Fyrsti sigur PSG undir stjórn Pochettino staðreynd

Ísak Hallmundarson skrifar
PSG vann góðan sigur í kvöld.
PSG vann góðan sigur í kvöld. getty/Angel Martinez

PSG vann 3-0 sigur á Brest í frönsku deildinni í kvöld. Þetta var fyrsti sigur liðsins undir stjórn Mauricio Pochettino en þetta var annar leikurinn sem liðið spilar síðan hann tók við liðinu.

Moise Kean kom Parísarliðinu yfir á 16. mínútu leiksins og var staðan 1-0 í hálfleik.

Það var síðan á 81. mínútu sem Mauro Icardi bætti við öðru marki PSG eftir stoðsendingu frá Kylian Mbappé. Pablo Sarabia innsiglaði 3-0 sigur PSG tveimur mínútum síðar.

PSG er núna í öðru sæti deildarinnar með 39 stig, einu stigi á eftir toppliði Lyon.

Fótbolti

Mest lesið


Fleiri fréttir

Sjá meira


×

Mest lesið