„Hann var algjört skrímsli í dag“ Hólmfríður Gísladóttir skrifar 7. janúar 2021 13:26 Það tók langan tíma að fá forsetann til að stíga fram og hvetja til friðar. epa/Shawn Thew Donald Trump Bandaríkjaforseti varði gærkvöldinu í Hvíta húsinu umkringdur nánustu ráðgjöfum sínum, á meðan annað starfsfólk fylgdist með þróun mála í vantrú og skelfingu. Trump var æstur og reiður, samkvæmt umfjöllun Washington Post, talaði ítrekað um svik og átti mörg orð um meintan heigulshátt varaforsetans Mike Pence, sem Trump hafði ítrekað hvatt til að taka lögin í eigin hendur og koma í veg fyrir að þingið staðfesti kjör Joe Biden sem næsta forseta Bandaríkjanna. Pence hafði áður greint Trump frá því að hann hefði ekki vald til að verða við óskum forsetans og einn heimildarmanna Washington Post sagði Trump hafa verið svo reiðan út í varaforsetann að hann vildi banna starfsmannastjóra hans, Marc Short, að snúa aftur í Hvíta húsið eftir þingfundinn. „Það sem hann var æstastur yfir og komst ekki yfir allan daginn voru svik Pence. Allan daginn var þemað: Ég kom honum til valda, ég bjargaði honum frá pólitískum dauða og hann stakk mig í bakið,“ segir heimildamaðurinn. Neitaði framan af að láta til sín taka Annar háttsettur embættismaður sagðist halda að atburðir dagsins hefðu aukið vinsældir Pence, á kostnað Trump. „Annar maðurinn hegðaði sér eins og smábarn og hinn eins og næstæðsti embættismaður þjóðarinnar,“ sagði hann. Ýmsir starfsmenn Hvíta hússins reyndu ítrekað að fá forsetann til að bregðast við og lægja öldurnar þegar hiti færðist í leikinn í þinghúsinu en hann var seinn að bregðast við. Meðal þeirra spurninga sem sitja eftir eru hver á sök á því hvernig fór og af hverju það reyndist múgnum jafn auðvelt og raun bar vitni að komast inn í þinghúsið.epa/Jim Lo Scalzo „Hann var algjört skrímsli í dag,“ sagði einn heimildarmaður. Fólk hefði verið í sjokki yfir því hversu tregur Trump var til þess að fá stuðningsmenn sína til að yfirgefa þinghúsið. Með því hefði hann unnið óafturkræfan skaða á arfleifð sinni. Hvatningin til að grípa inn í atburðarásina kom bæði innan Hvíta hússins og að utan, meðal annars frá fyrrverandi samstarfsmönnum. „Það besta sem @realDonaldTrump getur gert núna er að ávarpa þjóðina frá forsetaskrifstofunni og fordæma óeirðirnar. Þjóðin þarfnast friðsamlegra valdaskipta 1/20,“ tísti Mick Mulvaney, einn margra fyrrverandi starfsmannastjóra forsetans. Hegðun forsetans gekk fram af starfsmönnum Hvíta hússins Trump svaraði hins vegar með fullyrðingum um að flestir stuðningsmanna hans væru friðsamlegir. Hann neitaði að tala við Fox News en fékkst til að senda nokkur tíst og að lokum að taka upp stutt myndskilaboð til að dreifa á Twitter. Hann vék hins vegar frá handritinu sem aðstoðarmenn höfðu skrifað og hélt því enn og aftur fram að kosningunum hefði verið stolið, sem hann hafði verið beðinn um að gera ekki. Myndskeiðið varð til þess að Twitter lokaði á aðgang Trump í tólf tíma, sem ku hafa gert hann afar reiðan. Skelfingu lostið starfsfólk Hvíta hússins fór augljóslega að hugsa sinn gang. „Fólk var að leita að ástæðu til að vera áfram en nú er hann búinn að gefa þeim ástæðu til að fara,“ sagði einn ráðgjafa Trump við Washington Post. Margir veltu því fyrir sér hvort þeir ættu að vera áfram til að tryggja snuðrulaus valdaskipti en fregnir hafa þegar borist af uppsögnum, meðal annars tveggja starfsmanna forsetafrúarinnar. Þá eru þjóðaröryggisráðgjafinn Robert C. O'Brien, aðstoðarmaður hans Matthew Pottinger og aðstoðarstarfsmannastjórinn Chris Liddell sagðir vera að íhuga að segja af sér. Það gæti orðið til þess að uppsögnum mun fjölga enn frekar. O'Brien var yfir sig hneykslaður á atburðarásinni við þinghúsið og að Trump skyldi ráðast gegn Pence á meðan varaforsetinn og þingmenn voru í hættu. „Ég var að ræða við varaforsetann. Hann er virkilega fínn og almennilegur maður,“ tísti O'Brien. „Hann sýndi hugrekki í dag eins og hann gerði sem þingmaður 9/11. Ég er stoltur af því að þjóna með honum.“ Forsetakosningar í Bandaríkjunum Árás á bandaríska þinghúsið Donald Trump Bandaríkin Fréttaskýringar Tengdar fréttir Konan sem skotin var til bana var lengi í flughernum og ötull stuðningsmaður Trumps Konan sem var skotin til bana í þinghúsi Bandaríkjanna í gær hét Ashli Babbit. Hún var 35 ára gömul, frá Kaliforníu og hafði verið í flugher Bandaríkjanna í um fjórtán ár. Hún var mikill stuðningsmaður Donalds Trump, fráfarandi forseta, og var skotin þegar hún og aðrir stuðningsmenn forsetans brutu sér leið inn í þinghúsið til að stöðva staðfestingu úrslita forsetakosninganna í nóvember. 7. janúar 2021 13:43 „Munið þennan dag að eilífu“ Undir lok baráttufundar Donalds Trump, fráfarandi forseta, við Hvíta húsið í gær, sagði hann stuðningsmönnum sínum að berjast til að bjarga landi þeirra. Nú væri tíminn til að sýna styrk. 7. janúar 2021 11:37 Mest lesið Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fjöldi látinn eftir rútuslys í New York Erlent „Versti tíminn, allra versti tíminn“ Innlent Sjö ára hlaupari kemur hópnum yfir línuna í sjötta maraþoninu á morgun Innlent Grjóthart nei hjá dúxinum í Yale Innlent Gamall þristur strand vegna skorts á bensíni Innlent Þáttastjórnendum X-sins sagt upp Innlent Fleiri fréttir Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Hondúras og Úganda samþykkja að taka við hælisleitendum Segist vilja komast til himna Ísraelar taki ekki annað í mál en lausn allra gísla Bauð Selenskí til Moskvu Segir ásakanir Evrópu barnalegar Sjá meira
Trump var æstur og reiður, samkvæmt umfjöllun Washington Post, talaði ítrekað um svik og átti mörg orð um meintan heigulshátt varaforsetans Mike Pence, sem Trump hafði ítrekað hvatt til að taka lögin í eigin hendur og koma í veg fyrir að þingið staðfesti kjör Joe Biden sem næsta forseta Bandaríkjanna. Pence hafði áður greint Trump frá því að hann hefði ekki vald til að verða við óskum forsetans og einn heimildarmanna Washington Post sagði Trump hafa verið svo reiðan út í varaforsetann að hann vildi banna starfsmannastjóra hans, Marc Short, að snúa aftur í Hvíta húsið eftir þingfundinn. „Það sem hann var æstastur yfir og komst ekki yfir allan daginn voru svik Pence. Allan daginn var þemað: Ég kom honum til valda, ég bjargaði honum frá pólitískum dauða og hann stakk mig í bakið,“ segir heimildamaðurinn. Neitaði framan af að láta til sín taka Annar háttsettur embættismaður sagðist halda að atburðir dagsins hefðu aukið vinsældir Pence, á kostnað Trump. „Annar maðurinn hegðaði sér eins og smábarn og hinn eins og næstæðsti embættismaður þjóðarinnar,“ sagði hann. Ýmsir starfsmenn Hvíta hússins reyndu ítrekað að fá forsetann til að bregðast við og lægja öldurnar þegar hiti færðist í leikinn í þinghúsinu en hann var seinn að bregðast við. Meðal þeirra spurninga sem sitja eftir eru hver á sök á því hvernig fór og af hverju það reyndist múgnum jafn auðvelt og raun bar vitni að komast inn í þinghúsið.epa/Jim Lo Scalzo „Hann var algjört skrímsli í dag,“ sagði einn heimildarmaður. Fólk hefði verið í sjokki yfir því hversu tregur Trump var til þess að fá stuðningsmenn sína til að yfirgefa þinghúsið. Með því hefði hann unnið óafturkræfan skaða á arfleifð sinni. Hvatningin til að grípa inn í atburðarásina kom bæði innan Hvíta hússins og að utan, meðal annars frá fyrrverandi samstarfsmönnum. „Það besta sem @realDonaldTrump getur gert núna er að ávarpa þjóðina frá forsetaskrifstofunni og fordæma óeirðirnar. Þjóðin þarfnast friðsamlegra valdaskipta 1/20,“ tísti Mick Mulvaney, einn margra fyrrverandi starfsmannastjóra forsetans. Hegðun forsetans gekk fram af starfsmönnum Hvíta hússins Trump svaraði hins vegar með fullyrðingum um að flestir stuðningsmanna hans væru friðsamlegir. Hann neitaði að tala við Fox News en fékkst til að senda nokkur tíst og að lokum að taka upp stutt myndskilaboð til að dreifa á Twitter. Hann vék hins vegar frá handritinu sem aðstoðarmenn höfðu skrifað og hélt því enn og aftur fram að kosningunum hefði verið stolið, sem hann hafði verið beðinn um að gera ekki. Myndskeiðið varð til þess að Twitter lokaði á aðgang Trump í tólf tíma, sem ku hafa gert hann afar reiðan. Skelfingu lostið starfsfólk Hvíta hússins fór augljóslega að hugsa sinn gang. „Fólk var að leita að ástæðu til að vera áfram en nú er hann búinn að gefa þeim ástæðu til að fara,“ sagði einn ráðgjafa Trump við Washington Post. Margir veltu því fyrir sér hvort þeir ættu að vera áfram til að tryggja snuðrulaus valdaskipti en fregnir hafa þegar borist af uppsögnum, meðal annars tveggja starfsmanna forsetafrúarinnar. Þá eru þjóðaröryggisráðgjafinn Robert C. O'Brien, aðstoðarmaður hans Matthew Pottinger og aðstoðarstarfsmannastjórinn Chris Liddell sagðir vera að íhuga að segja af sér. Það gæti orðið til þess að uppsögnum mun fjölga enn frekar. O'Brien var yfir sig hneykslaður á atburðarásinni við þinghúsið og að Trump skyldi ráðast gegn Pence á meðan varaforsetinn og þingmenn voru í hættu. „Ég var að ræða við varaforsetann. Hann er virkilega fínn og almennilegur maður,“ tísti O'Brien. „Hann sýndi hugrekki í dag eins og hann gerði sem þingmaður 9/11. Ég er stoltur af því að þjóna með honum.“
Forsetakosningar í Bandaríkjunum Árás á bandaríska þinghúsið Donald Trump Bandaríkin Fréttaskýringar Tengdar fréttir Konan sem skotin var til bana var lengi í flughernum og ötull stuðningsmaður Trumps Konan sem var skotin til bana í þinghúsi Bandaríkjanna í gær hét Ashli Babbit. Hún var 35 ára gömul, frá Kaliforníu og hafði verið í flugher Bandaríkjanna í um fjórtán ár. Hún var mikill stuðningsmaður Donalds Trump, fráfarandi forseta, og var skotin þegar hún og aðrir stuðningsmenn forsetans brutu sér leið inn í þinghúsið til að stöðva staðfestingu úrslita forsetakosninganna í nóvember. 7. janúar 2021 13:43 „Munið þennan dag að eilífu“ Undir lok baráttufundar Donalds Trump, fráfarandi forseta, við Hvíta húsið í gær, sagði hann stuðningsmönnum sínum að berjast til að bjarga landi þeirra. Nú væri tíminn til að sýna styrk. 7. janúar 2021 11:37 Mest lesið Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fjöldi látinn eftir rútuslys í New York Erlent „Versti tíminn, allra versti tíminn“ Innlent Sjö ára hlaupari kemur hópnum yfir línuna í sjötta maraþoninu á morgun Innlent Grjóthart nei hjá dúxinum í Yale Innlent Gamall þristur strand vegna skorts á bensíni Innlent Þáttastjórnendum X-sins sagt upp Innlent Fleiri fréttir Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Hondúras og Úganda samþykkja að taka við hælisleitendum Segist vilja komast til himna Ísraelar taki ekki annað í mál en lausn allra gísla Bauð Selenskí til Moskvu Segir ásakanir Evrópu barnalegar Sjá meira
Konan sem skotin var til bana var lengi í flughernum og ötull stuðningsmaður Trumps Konan sem var skotin til bana í þinghúsi Bandaríkjanna í gær hét Ashli Babbit. Hún var 35 ára gömul, frá Kaliforníu og hafði verið í flugher Bandaríkjanna í um fjórtán ár. Hún var mikill stuðningsmaður Donalds Trump, fráfarandi forseta, og var skotin þegar hún og aðrir stuðningsmenn forsetans brutu sér leið inn í þinghúsið til að stöðva staðfestingu úrslita forsetakosninganna í nóvember. 7. janúar 2021 13:43
„Munið þennan dag að eilífu“ Undir lok baráttufundar Donalds Trump, fráfarandi forseta, við Hvíta húsið í gær, sagði hann stuðningsmönnum sínum að berjast til að bjarga landi þeirra. Nú væri tíminn til að sýna styrk. 7. janúar 2021 11:37