Kjör Bidens staðfest þrátt fyrir innrás í þinghúsið Sunna Kristín Hilmarsdóttir skrifar 7. janúar 2021 08:48 Joe Biden tekur við embætti forseta Bandaríkjanna þann 20. janúar næstkomandi. Getty/Joshua Roberts Bandaríkjaþing staðfesti nú rétt í þessu kjör Joe Bidens og Kamölu Harris sem forseta og varaforseta Bandaríkjanna eftir ótrúlega atburðarás í gær þar sem þetta lýðræðislega ferli var hindrað. Eins og hefð er fyrir lýsti sitjandi varaforseti niðurstöðu atkvæðagreiðslu kjörmannanna. Það var því Mike Pence sem lýsti því yfir að Biden og Harris væru réttkjörin sem næsti forseti og varaforseti landsins. Stuttu eftir að kjörið var staðfest sendi Donald Trump, fráfarandi forseti, frá sér yfirlýsingu sem aðstoðarmaður hans, Don Scavino, birti á Twitter. Lokað hefur verið á Twitter-aðgang forsetans sjálfs. Í yfirlýsingunni segist Trump algjörlega ósammála niðurstöðu forsetakosninganna og að staðreyndirnar standi með þeirri skoðun hans, sem er þó ekki raunin. Valdaskiptin þann 20. janúar verði þó friðsæl. „Aðeins upphafið að baráttu okkur fyrir því að gera Bandaríkin stórkostleg á ný“ Hann ýjar svo áfram að því að brögð hafi verið í tafli en hann hefur fullyrt að kosningasvik hafi átt sér stað og að Demókratar hafi stolið sigrinum. Engar sannanir liggja fyrir um slíkt. „Ég hef alltaf sagt að við munum halda áfram baráttu okkar fyrir því að öll löggild atkvæði hafi verið talin. Á meðan þetta þýðir að stórkostlegasta fyrsta kjörtímabili forseta í sögunni er lokið þá er þetta aðeins upphafið að baráttu okkur fyrir því að gera Bandaríkin stórkostleg á ný,“ segir Trump. Þingfundi frestað og þingmönnum komið í skjól Þingfundinum sem lauk í morgun, eða í nótt að staðartíma, fer í sögubækurnar enda var atburðarás gærdagsins ótrúleg. Bandaríkjaþing kom saman klukkan eitt í gær að staðartíma (18 að íslenskum tíma) til þess að staðfesta atkvæði kjörmannanna 538 í bandarísku forsetakosningunum. Staðfestingin er í raun aðeins formsatriði en þó hluti af því lýðræðislega ferli sem forsetakosningarnar eru. Snemma um morguninn komu þúsundir stuðningsmanna Trumps saman skammt frá Hvíta húsinu til baráttufundar. Forsetinn mætti sjálfur á fundinn og ávarpaði stuðningsmennina en hélt síðan aftur í Hvíta húsið. Hann hvatti stuðningsmenn sína til þess að berjast til að bjarga landinu. Nú væri tími til að sýna styrk. Það var síðan ekki langt liðið á þingfundinn, eða einungis um hálftími, þegar stuðningsmenn Trumps voru komnir að þinghúsinu, komið hafði til óeirða og æstur múgurinn var búinn að brjóta sér leið inn í húsið. Múgurinn braut sér leið inn í þinghúsið og braut meðal annars glugga á húsinu.Getty/Mostafa Bassim Að minnsta kosti fjórir létust, þar á meðal ein kona, stuðningsmaður Trumps, sem skotin var til bana af lögreglu þegar fólkið var að reyna að komast inn í þinghúsið. Muriel Bowser, borgarstjóri Washington, lýsti því yfir að útgöngubann tæki gildi í borginni klukkan 18 að staðartíma (klukkan 23 að íslenskum tíma). Þingfundi var frestað án þess að búið væri að staðfesta kjör Bidens og þingmönnum var komið í skjól. Æstur múgurinn komst bæði inn í sal fulltrúadeildarinnar og öldungadeildarinnar en viðbúnaður lögeglu hafði ekki verið í neinu samræmi við fjölda mótmælenda. Tylltu sér í sæti á skrifstofum þingmanna Fólkið vafraði um bygginguna og fór inn á skrifstofur ýmissa hátt settra leiðtoga í stjórnkerfi Bandaríkjanna. Myndir innan úr þinghúsinu sýndu meðal annars þegar þau tylltu sér í sæti á skrifstofum þingmanna og stóðu í ræðustól þingsalarins. Biden fordæmdi athæfi fólksins og sagði lýðræði í Bandaríkjunum sæta fordæmalausri árás. Trump sagðist elska fólkið en bað það um að sýna lögum og reglu virðingu og fara heim. Þjóðvarðlið Virginíu var kallað út að skipun ríkisstjóra Virginíu, sem sendi einnig aukamannskap lögreglumanna, þegar ljóst varð að lögregla í Washington réði ekki við ástandið. Skömmu áður höfðu borist fréttir af því að varnarmálaráðuneyti Bandaríkjanna hefði neitað að senda þjóðvarðlið Washington DC á vettvang. Það virðist síðan hafa breyst, þar sem fregnir bárust af því að Trump hefði fyrirskipað að þjóðvarðliðið frá Washington-borg yrði sent á vettvang. Allar tillögur um að ógilda atkvæði kjörmanna felldar Um klukkan 20 að staðartíma, eða sjö klukkutímum eftir að þingfundur hófst, var búið að ná stjórn á ástandinu og hægt var að hefja þingfund að nýju. Honum lauk ekki fyrr en um átta klukkutímum síðar eða klukkan fjögur í nótt (klukkan 9 í morgun að íslenskum tíma). Repúblikanar mótmæltu niðurstöðu atkvæðagreiðslu kjörmannanna í nokkrum ríkjum og þurftu sérstakar umræður og atkvæðagreiðslur að fara fram um þau mótmæli. Lögðu þingmennirnir til að atkvæði kjörmanna í Nevada, Georgríu, Michigan, Arizona og Pennsylvaníu yrðu ógild en allar tillögurnar voru felldar í báðum deildum þingsins. Á endanum var því kjör Bidens og Harris staðfest, eins og áður segir og var þingfundi svo slitið. Fréttin hefur verið uppfærð. Bandaríkin Joe Biden Donald Trump Forsetakosningar í Bandaríkjunum Árás á bandaríska þinghúsið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Það er hart sótt að okkar fólki“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira
Eins og hefð er fyrir lýsti sitjandi varaforseti niðurstöðu atkvæðagreiðslu kjörmannanna. Það var því Mike Pence sem lýsti því yfir að Biden og Harris væru réttkjörin sem næsti forseti og varaforseti landsins. Stuttu eftir að kjörið var staðfest sendi Donald Trump, fráfarandi forseti, frá sér yfirlýsingu sem aðstoðarmaður hans, Don Scavino, birti á Twitter. Lokað hefur verið á Twitter-aðgang forsetans sjálfs. Í yfirlýsingunni segist Trump algjörlega ósammála niðurstöðu forsetakosninganna og að staðreyndirnar standi með þeirri skoðun hans, sem er þó ekki raunin. Valdaskiptin þann 20. janúar verði þó friðsæl. „Aðeins upphafið að baráttu okkur fyrir því að gera Bandaríkin stórkostleg á ný“ Hann ýjar svo áfram að því að brögð hafi verið í tafli en hann hefur fullyrt að kosningasvik hafi átt sér stað og að Demókratar hafi stolið sigrinum. Engar sannanir liggja fyrir um slíkt. „Ég hef alltaf sagt að við munum halda áfram baráttu okkar fyrir því að öll löggild atkvæði hafi verið talin. Á meðan þetta þýðir að stórkostlegasta fyrsta kjörtímabili forseta í sögunni er lokið þá er þetta aðeins upphafið að baráttu okkur fyrir því að gera Bandaríkin stórkostleg á ný,“ segir Trump. Þingfundi frestað og þingmönnum komið í skjól Þingfundinum sem lauk í morgun, eða í nótt að staðartíma, fer í sögubækurnar enda var atburðarás gærdagsins ótrúleg. Bandaríkjaþing kom saman klukkan eitt í gær að staðartíma (18 að íslenskum tíma) til þess að staðfesta atkvæði kjörmannanna 538 í bandarísku forsetakosningunum. Staðfestingin er í raun aðeins formsatriði en þó hluti af því lýðræðislega ferli sem forsetakosningarnar eru. Snemma um morguninn komu þúsundir stuðningsmanna Trumps saman skammt frá Hvíta húsinu til baráttufundar. Forsetinn mætti sjálfur á fundinn og ávarpaði stuðningsmennina en hélt síðan aftur í Hvíta húsið. Hann hvatti stuðningsmenn sína til þess að berjast til að bjarga landinu. Nú væri tími til að sýna styrk. Það var síðan ekki langt liðið á þingfundinn, eða einungis um hálftími, þegar stuðningsmenn Trumps voru komnir að þinghúsinu, komið hafði til óeirða og æstur múgurinn var búinn að brjóta sér leið inn í húsið. Múgurinn braut sér leið inn í þinghúsið og braut meðal annars glugga á húsinu.Getty/Mostafa Bassim Að minnsta kosti fjórir létust, þar á meðal ein kona, stuðningsmaður Trumps, sem skotin var til bana af lögreglu þegar fólkið var að reyna að komast inn í þinghúsið. Muriel Bowser, borgarstjóri Washington, lýsti því yfir að útgöngubann tæki gildi í borginni klukkan 18 að staðartíma (klukkan 23 að íslenskum tíma). Þingfundi var frestað án þess að búið væri að staðfesta kjör Bidens og þingmönnum var komið í skjól. Æstur múgurinn komst bæði inn í sal fulltrúadeildarinnar og öldungadeildarinnar en viðbúnaður lögeglu hafði ekki verið í neinu samræmi við fjölda mótmælenda. Tylltu sér í sæti á skrifstofum þingmanna Fólkið vafraði um bygginguna og fór inn á skrifstofur ýmissa hátt settra leiðtoga í stjórnkerfi Bandaríkjanna. Myndir innan úr þinghúsinu sýndu meðal annars þegar þau tylltu sér í sæti á skrifstofum þingmanna og stóðu í ræðustól þingsalarins. Biden fordæmdi athæfi fólksins og sagði lýðræði í Bandaríkjunum sæta fordæmalausri árás. Trump sagðist elska fólkið en bað það um að sýna lögum og reglu virðingu og fara heim. Þjóðvarðlið Virginíu var kallað út að skipun ríkisstjóra Virginíu, sem sendi einnig aukamannskap lögreglumanna, þegar ljóst varð að lögregla í Washington réði ekki við ástandið. Skömmu áður höfðu borist fréttir af því að varnarmálaráðuneyti Bandaríkjanna hefði neitað að senda þjóðvarðlið Washington DC á vettvang. Það virðist síðan hafa breyst, þar sem fregnir bárust af því að Trump hefði fyrirskipað að þjóðvarðliðið frá Washington-borg yrði sent á vettvang. Allar tillögur um að ógilda atkvæði kjörmanna felldar Um klukkan 20 að staðartíma, eða sjö klukkutímum eftir að þingfundur hófst, var búið að ná stjórn á ástandinu og hægt var að hefja þingfund að nýju. Honum lauk ekki fyrr en um átta klukkutímum síðar eða klukkan fjögur í nótt (klukkan 9 í morgun að íslenskum tíma). Repúblikanar mótmæltu niðurstöðu atkvæðagreiðslu kjörmannanna í nokkrum ríkjum og þurftu sérstakar umræður og atkvæðagreiðslur að fara fram um þau mótmæli. Lögðu þingmennirnir til að atkvæði kjörmanna í Nevada, Georgríu, Michigan, Arizona og Pennsylvaníu yrðu ógild en allar tillögurnar voru felldar í báðum deildum þingsins. Á endanum var því kjör Bidens og Harris staðfest, eins og áður segir og var þingfundi svo slitið. Fréttin hefur verið uppfærð.
Bandaríkin Joe Biden Donald Trump Forsetakosningar í Bandaríkjunum Árás á bandaríska þinghúsið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Það er hart sótt að okkar fólki“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira