Montpellier auðveld bráð fyrir PSG

Að venju fær ekkert stöðvað PSG í frönsku úrvalsdeildinni. Ekki hjálpaði til að Dimitry Bertaud fékk beint rautt spjald í liði Montpellier á 17. mínútu en þá hafði Pablo Sarabia þegar komið heimamönnum í PSG yfir. 

Angel Di Maria bætti við öðru marki liðsins á 41. mínútu og rétt áður en fyrri hálfleikur var liðinn hafði Daniel Congre skorað sjálfsmark og PSG því 3-0 yfir.

Í síðari hálfleik bættu Kylian Mbappé og Layvin Kurzawa við mörkum fyrir PSG áður en Joris Chotard fékk sitt annað gula spjald í liði Montpellier og þeir luku því leik með níu leikmenn og fimm mörkum undir.

Lokatölur 5-0 og PSG komið með 13 stiga forystu á toppi deildarinnar.