Ekki ráðskast með Kardashian fjölskylduna

Rob Kardashian, bróðir Kim Kardashian, hefur átt erfitt uppdráttar undanfarna mánuði en hann bætti talsvert á sig eftir að hafa slitið sambandi við fyrrverandi kærustu sína, Ritu Ora.

Ekkert lát virðist vera á niðurbrotinu fyrir Rob, en önnur fyrrverandi kærasta, Adrienne Bailon fór í opinskátt viðtal við tímaritið Latina, fyrr í vikunni.

Hún segir meðal annars í viðtalinu að það hafi verið mistök að koma fram í þættinum, Keeping Up With the Kardashians sem fjallar um líf Kardashian fjölskyldunnar.

„Ég er föst með þennan Kardashian stimpil á mér og það hefur komið niður á mér og ferlinum,“ sagði Bailon. 

„Ég fattaði það ekki fyrr en það var um seinan - ekki að það hefði haft áhrif á það með hverjum ég er, en það hefði án efa haft áhrif á það hvort ég hefði verið í þættinum eða ekki.“

Ummæli Bailon fóru ekki vel í systur Robs, Kim Kardashian, sem svaraði henni fullum hálsi á Twitter.

Funny how she says being with a Kardashian hurt her career yet the only reason she has this article is bc she is talking about a Kardashian

— Kim Kardashian West (@KimKardashian) July 30, 2014

#LetItGoooooLetItGoooooo (FROZEN VOICE)

— Kim Kardashian West (@KimKardashian) July 30, 2014

So sad when people try to kick my brother when he is down #FamilyForever

— Kim Kardashian West (@KimKardashian) July 30, 2014