Maritech kaupir í Chile

Hugbúnaðarfyrirtækið Maritech, dótturfélag TölvuMynda hf., hefur keypt Integra Sistemas, hugbúnaðarfyrirtæki sem sérhæfir sig í gerð bókhalds- og framleiðsluhugbúnaðar fyrir sjávarútvegsfyrirtæki í Chile. "Þarna starfa sjö manns, en fyrirtækið er með mörg af stærstu sjávarútvegsfyrirtækjum Chile í viðskiptum," segir Halldór Lúðvígsson, forstjóri Maritech. Halldór segir kaupin gerð með það fyrir augum að styrkja viðskiptamannahópinn í Chile. Fyrirtækið hefur komið sér fyrir á mörkuðum í löndum þar sem sjávarútvegur er sterkur, svo sem í Noregi og Kanada. Hann segir uppbyggingu í Suður-Ameríku rökrétt framhald af útrás fyrirtækisins.