Brak úr vélinni loks fundið

Búið er að finna hluta af flaki indónesísku farþegaþotunnar sem leitað hefur verið síðan á nýársdag. Það voru fiskimenn á eynni Sulawesi sem fundu stélhluta með sama verksmiðjunúmeri og vélin hafði. Þá hafa sæti sem talin eru úr flugvélinni einnig fundist á svipuðum slóðum. 102 farþegar voru um borð í vélinni, sem var í eigu lággjaldaflugfélagsins Adam Air og af gerðinni Boeing 737, og var á leiðinni frá Jövu til Sulawesi þegar hún hvarf með öllu. Ekkert neyðarkall barst frá henn en talið er að hún hafi farist í illviðri á svæðinu.